Pandit Kesharinath Tripathi :પશ્ચિમ બંગાળના પૂર્વ રાજ્યપાલ પંડિત કેશરીનાથ ત્રિપાઠીનું રવિવારે અવસાન થયું છે. તેઓ છેલ્લા ઘણા દિવસોથી ગંભીર રીતે બીમાર હતા. પૂર્વ રાજ્યપાલનું રવિવારે સવારે પાંચ વાગ્યે પ્રયાગરાજ સ્થિત તેમના નિવાસસ્થાને અવસાન થયું હતું. જે બાદ સાંજે 4 વાગ્યે પ્રયાગરાજના રસુલાબાદ ઘાટ પર તેમના અંતિમ સંસ્કાર કરવામાં આવશે.
પશ્ચિમ બંગાળના રાજ્યપાલ (Pandit Kesharinath Tripathi) હોવા ઉપરાંત, તેમણે બિહાર અને ત્રિપુરાના રાજ્યપાલનો વધારાનો હવાલો પણ સંભાળ્યો હતો. કેશરીનાથ ત્રિપાઠી અલ્હાબાદ હાઈકોર્ટના વરિષ્ઠ વકીલ અને બંધારણીય નિષ્ણાત હતા. આ સિવાય તેમણે 2004માં જૌનપુર બેઠક પરથી લોકસભાની ચૂંટણી પણ લડી હતી. બીજી તરફ, કેશરીનાથ ત્રિપાઠી પણ ઘણી વખત યુપી વિધાનસભામાં સ્પીકરનું પદ સંભાળી ચુક્યા છે. આ ઉપરાંત તેમણે ભાજપમાં અનેક પદો પર પોતાની જવાબદારી નિભાવી હતી
કેશરીનાથ ત્રિપાઠી યુપી ભાજપના પ્રદેશ અધ્યક્ષ પણ રહી ચૂક્યા છે. સૂત્રો પાસેથી મળેલી માહિતી મુજબ કેશરીનાથ ત્રિપાઠીને રવિવારે જ લખનૌના SGPGIમાં દાખલ થવાના હતા. જોકે, સવારે પાંચ વાગ્યાની આસપાસ તેનું મોત થયું હતું. 8 ડિસેમ્બરે બાથરૂમમાં લપસી જવાથી તેના ખભામાં ફ્રેક્ચર થયું હતું. જે બાદ પૂર્વ રાજ્યપાલને હોસ્પિટલમાં દાખલ કરવામાં આવ્યા હતા. જોકે, 30 ડિસેમ્બરે સ્થિતિ નાજુક બનતાં તેને ખાનગી હોસ્પિટલમાં દાખલ કરવામાં આવ્યા હતાજે બાદ પાંચ દિવસ સુધી સારવાર ચાલી અને પછી હોસ્પિટલમાંથી રજા આપવામાં આવી. પરંતુ શનિવારે મોડી સાંજે તેમની તબિયત ફરી લથડી હતી. તેને શ્વાસ લેવામાં તકલીફ થઈ રહી હતી.ઉલ્લેખનીય છે કે પ્રયાગરાજમાં ભરતી દરમિયાન યુપીના સીએમ યોગી આદિત્યનાથે પોતાના પરિવારના સભ્યો સાથે ફોન પર વાત કરી હતી. તે જ સમયે, ડેપ્યુટી સીએમ કેશવ પ્રસાદ મૌર્યએ પણ તેમના સ્વાસ્થ્ય માટે શુભેચ્છા પાઠવી હતી.
International Marathon/વડોદરામાં સૌથી મોટી ઇન્ટરનેશનલ મેરેથોનને રમત ગમતના મંત્રી હર્ષ સંઘવીએ પ્રસ્થાન કરાવ્યું
China/જિનપિંગને કોરોના મામલે સરકારની આલોચના પસંદ ન આવતા ઉઠાવ્યું આ કદમ,જાણો
