પાકિસ્તાનના ખાનેવાલમાં ઈમરાન સરકાર વિરુદ્ધ પ્રચાર કરી રહેલી PPP નેતા આસિફા ભુટ્ટો સાથે મોટી દુર્ઘટના થઈ છે. કાર્યક્રમની વચ્ચે એક ડ્રોન તેની સાથે અથડાયું અને તે ઘાયલ થઈ ગયા હતા. એવું કહેવામાં આવી રહ્યું છે કે આ અકસ્માતને કારણે તેમની આંખો પર ઘણા ટાંકા આવ્યા છે અને તેઓ હવે સ્વસ્થ થઈ રહ્યા છે.
જાણવા મળ્યું છે કે PPPના નેતાઓ શુક્રવારે પાકિસ્તાનના ખાનેવાલ વિસ્તારમાં વિરોધ પ્રદર્શન કરી રહ્યા હતા. વર્તમાન ઈમરાન સરકાર વિરુદ્ધ બધા એકઠા થયા હતા. આ પ્રસંગે મીડિયાનો મોટો મેળાવડો પણ હાજર હતો જે આ કાર્યક્રમને કવર કરી રહ્યો હતો. પરંતુ એવું કહેવામાં આવી રહ્યું છે કે એક મીડિયા ચેનલનું ડ્રોન અચાનક PPP નેતા આસિફા ભુટ્ટો સાથે અથડાયું અને તેઓ ઘાયલ થઈ ગયા. ઘટના બાદ અફરાતફરીનો માહોલ સર્જાયો હતો અને સુરક્ષા વધારી દેવામાં આવી હતી.
કાવતરું કે પછી દુર્ઘટના થઈ રહી છે તપાસ
આ ઘટના અંગે બિલાવલ ભુટ્ટોએ કહ્યું છે કે હજુ સુધી એ જાણી શકાયું નથી કે આ માત્ર અકસ્માત છે કે કોઈનું ષડયંત્ર. જો કે, બિલાવલના સુરક્ષાકર્મીઓએ ડ્રોન ઓપરેટરને પકડી લીધો છે અને તેની પાસે સવાલ-જવાબ કરવામાં આવી રહ્યા છે.
શું કહ્યું સરકારે?
પાકિસ્તાનની પંજાબ સરકારના પ્રવક્તા હંસન ખાવરે કહ્યું છે કે ઘટના બાદ તરત જ દ ડો.બાબરને ઘટનાસ્થળે મોકલવામાં આવ્યા હતા. તેઓ પોતે કન્ટેનર પાસે ગયા હતા અને તેમણે આસિફાની સારવાર કરી હતી. હમણાં માટે, આસિફાની આંખ ઉપર એક નાનો કટ છે અને તેમના હાથ પર પણ ઇજાના નિશાન છે. પહેલા એવું કહેવામાં આવી રહ્યું હતું કે તેમને હોસ્પિટલમાં દાખલ કરવા પડશે, પરંતુ આસિફાએ માત્ર પાટો બાંધીને જ બહાર જવાનું નક્કી કર્યું. તેમની પાટા સાથેની એક તસવીર પણ સોશિયલ મીડિયા પર ઝડપથી વાયરલ થઈ રહી છે.
પાકિસ્તાન સરકારના ઘણા મંત્રીઓ અને અન્ય નેતાઓ હાલમાં સોશિયલ મીડિયા દ્વારા આસિફાના સ્વાસ્થ્ય વિશે પૂછી રહ્યા છે. બધાને આશા છે કે આસિફા જલ્દી સ્વસ્થ થઈ જાય.
આ વિરોધની વાત કરીએ તો તેની શરૂઆત 27 ફેબ્રુઆરીએ કરવામાં આવી હતી. 8 માર્ચે ઈસ્લામાબાદ પહોંચવાની તૈયારીઓ ચાલી રહી છે. કુલ 34 જિલ્લાઓને આવરી લીધા બાદ આ PPPનો કાફલો અહીં પહોંચવાનો છે.
આ પણ વાંચો : રાષ્ટ્રપતિ વોલોડીમિર ઝેલેન્સકી પોલેન્ડ ભાગ્યા નથી, કિવમાં જ છે
આ પણ વાંચો :યુક્રેનના વિદેશ મંત્રીએ રશિયન સૈનિકો પર લગાવ્યા ગંભીર આરોપ,જાણો વિગત
આ પણ વાંચો :સાઉદી અરેબિયાના ક્રાઉન પ્રિન્સે ઈસ્લામ પર આપ્યું આ નિવેદન,થઇ રહી છે ચર્ચા..
આ પણ વાંચો :શેન વોર્ને રશિયા-યુક્રેન યુદ્વમાં કોનું સમર્થન કર્યું હતું,ટ્વિટ કરીને પોતાનો મત વ્યક્ત કર્યો હતો
