Breaking News:રાજકોટ જિલ્લામાંથી ચાર પાકિસ્તાની નાગરિકોની ધરપકડ કરવામાં આવી છે.વર્ષો પહેલા પાકિસ્તાનથી રાજકોટ આવ્યા બાદ તે પાકિસ્તાન પાછો ફર્યો નથી તેવું બહાર આવ્યું છે. પ્રાથમિક માહિતી મુજબ તે બે દાયકાથી વધુ સમયથી રાજકોટમાં ગેરકાયદેસર રીતે રહેતો હતો. રાજકોટ ગ્રામીણ એલસીબીની ટીમે લોધિકા તાલુકામાં રહેતા એક સગીર સહિત ચાર પાકિસ્તાનીઓને લાવીને તેમની પૂછપરછ શરૂ કરી છે.રાજ્ય સરકાર દ્વારા ઘૂસણખોરી સામે કડક કાર્યવાહી કરવાના આપેલા આદેશ બાદ, રાજકોટ રેન્જ આઈજી અશોક કુમાર યાદવ અને જિલ્લા પોલીસ વડા હિમકર સિંહના માર્ગદર્શન હેઠળ રાજકોટ જિલ્લા પોલીસ, ગ્રામીણ એસઓજી અને એલસીબીની ટીમો વિવિધ વિસ્તારોમાં ઘૂસણખોરીની તપાસ કરી રહી છે.

દરમિયાન,રાજકોટ ગ્રામીણ એલસીબી પોલીસની ટીમને ચોક્કસ માહિતી મળી હતી કે રાજકોટ જિલ્લાના લોધિકા તાલુકામાં પાકિસ્તાની નાગરિકો ગેરકાયદેસર રીતે રહે છે, જેના આધારે પોલીસ ટીમ ઘટનાસ્થળે પહોંચી હતી અને તપાસ કરી હતી.પોલીસની એક ટીમ લોધિકા પહોંચી હતી અને તપાસ કરતી વખતે તેમને એક પરિવાર મળ્યો હતો. જેની પાસે ભારતીય મતદાર ઓળખ કાર્ડ, આધાર કાર્ડ સહિત કોઈ પુરાવા નહોતા. વધુ પૂછપરછ કરતાં જાણવા મળ્યું કે તે પાકિસ્તાની હતો અને લગભગ દોઢ થી બે દાયકા પહેલા પાકિસ્તાનથી રાજકોટ આવ્યો હતો.

જ્યારે ખબર પડી કે તે પાકિસ્તાન પાછો ફર્યો નથી, ત્યારે પોલીસે તેને કસ્ટડીમાં લીધો હતો અને તેની વધુ પૂછપરછ કરી હતી. નોંધનીય છે કે હાલમાં વરિષ્ઠ પોલીસ અધિકારીઓ પૂછપરછ કરી રહ્યા છે, જેના પછી સત્તાવાર માહિતી જાહેર કરવામાં આવશે.

આ પણ વાંચો:અમદાવાદમાં ઘૂસણખોરો વિરૂદ્ધ પોલીસે કરી આકરી કાર્યવાહી

આ પણ વાંચો:ગુજરાતમાં રહેતા પાકિસ્તાની નાગરિકોને વતન પરત ફરવું પડશે, સરકારે આપ્યા આદેશ

આ પણ વાંચો:બાંગ્લાદેશી ઘૂસણખોરો પાછળ એજન્ટોના કારનામાનો થયો પર્દાફાશ