મુંબઈના છત્રપતિ શિવાજી મહારાજ ઈન્ટરનેશનલ એરપોર્ટ પરથી કસ્ટમ્સે 61 કિલો સોનું જપ્ત કર્યું છે. જેની કિંમત 32 કરોડ રૂપિયા હોવાનું કહેવાય છે. વિભાગ દ્વારા એરપોર્ટ પરથી એક જ દિવસમાં જપ્ત કરવામાં આવેલ સોનાનો આ સૌથી વધુ જથ્થો છે. કસ્ટમ્સે શુક્રવારે 11 નવેમ્બરે આ કાર્યવાહી કરી હતી. કસ્ટમ અધિકારીઓએ રવિવારે આ જાણકારી આપી છે.
મુંબઈ એરપોર્ટ કસ્ટમ્સે પોતાના નિવેદનમાં જણાવ્યું હતું કે, “મુંબઈ એરપોર્ટ પર 32 કરોડ રૂપિયાની કિંમતનું 61 કિલો સોનું જપ્ત કરવામાં આવ્યું છે. આ કેસમાં 5 પુરૂષ અને 2 મહિલા મુસાફરો સહિત 7 આરોપીઓની ધરપકડ કરવામાં આવી છે. સોનાની લગડીઓ તેના શરીર પર ખાસ ડિઝાઇન કરાયેલા પટ્ટામાં છૂપાવી દેવામાં આવી હતી જેમાં તેના ધડની આસપાસ અનેક ખિસ્સા લપેટાયેલા હતા.
Maharashtra | On 11th November, Mumbai Airport Customs seized 61 kg gold valued at Rs 32 crores and arrested seven passengers in two separate cases pic.twitter.com/uTCmbnhvgV
— ANI (@ANI) November 13, 2022
અધિકારીએ જણાવ્યું હતું કે પ્રથમ ઓપરેશનમાં તાંઝાનિયાથી પરત ફરતા ચાર ભારતીયો પાસેથી એક કિલો સોનું જપ્ત કરવામાં આવ્યું હતું, જે ખાસ ડિઝાઇન કરાયેલા પટ્ટામાં છુપાવવામાં આવ્યું હતું. તેમણે કહ્યું કે તેમની પાસેથી 28.17 કરોડની કિંમતની યુએઈની 53 કિલો સોનાની લગડીઓ મળી આવી છે. ચારેય મુસાફરોની ધરપકડ કરવામાં આવી હતી અને કોર્ટે તેમને 14 દિવસની ન્યાયિક કસ્ટડીમાં મોકલી દીધા હતા.
દરમિયાન કસ્ટમ અધિકારીઓએ દુબઈથી આવી રહેલા ત્રણ મુસાફરો પાસેથી રૂ. 3.88 કરોડની કિંમતનું 8 કિલો સોનું જપ્ત કર્યું હતું. ત્રણેય મુસાફરોની ધરપકડ કરવામાં આવી હતી અને તેમને ન્યાયિક કસ્ટડીમાં મોકલવામાં આવ્યા હતા.
આ પણ વાંચો:ભાજપે 4 ઝોન માટે 7 મોટા નેતાઓને સોંપી જવાબદારી.. જાણો કોણ ક્યાંથી કરશે ડેમેજ કંટ્રોલ
આ પણ વાંચો: ગુજરાત ચૂંટણીમાં OPS બન્યો મોટો ચૂંટણી મુદ્દો, ભાજપે
આ પણ વાંચો:ભાજપના નેતા મધુ શ્રીવાસ્તવે ધારાસભ્ય પદ પરથી આપ્યું
