Italy: ઇટલીમાં ચાલી રહેલી G7 સમિટના બીજા દિવસે વર્તમાન વૈશ્વિક કટોકટીની ચર્ચા કરવામાં આવી હતી. જેમાં ઈન્ડો-પેસિફિક ક્ષેત્ર, ઈમિગ્રન્ટ્સ અને ચીન સહિતની આર્થિક સુરક્ષાના મુદ્દા મહત્વના છે. મિટિંગમાં G7 નેતાઓએ ચીનની હાનિકારક વ્યાપારી નીતિઓનો સામનો કરવાની પ્રતિજ્ઞા લીધી છે.
ચીનની કંપનીઓ પર અમેરિકન પ્રતિબંધો, ઈલેક્ટ્રિક વાહનો પર યુરોપની નીતિ અને રશિયાને ચીનનું સમર્થન, આ બધું 14 જૂને થયેલી વાતચીતનો ભાગ હતું. નેતાઓએ માનવ તસ્કરીને સમાપ્ત કરવાની રીતો પર ચર્ચા કરી હતી.
વિશ્વમાં કુપોષણ અને ખાદ્ય સુરક્ષા સામેની લડાઈને મજબૂત બનાવવાનો ઈરાદો વ્યક્ત કર્યો
મીડિયા અહેવાલો અનુસાર, બેઠક દરમિયાન નેતાઓએ વિશ્વમાં કુપોષણ અને ખાદ્ય સુરક્ષાને મજબૂત બનાવવાનો ઈરાદો વ્યક્ત કર્યો હતો. G7 ની Apulia Food Systems Initiative નો હેતુ ખાદ્ય સુરક્ષા અને પોષણ માટેના અવરોધોને દૂર કરવાનો છે.
સમાચારમાં એવું પણ કહેવામાં આવ્યું છે કે યજમાન ઈટલીના વડાપ્રધાન જ્યોર્જિયા મેલોનીના હસ્તક્ષેપ બાદ આ કોન્ફરન્સ પછી જારી કરવામાં આવેલા સંયુક્ત નિવેદનમાં ગર્ભપાતને અધિકાર તરીકે સ્વીકારવા પર સહમતી બનવાનું ટાળ્યું છે. આ બેઠક એવા સમયે થઈ રહી છે જ્યારે વિશ્વ પર્યાવરણ, યુદ્ધ અને આર્થિક બોજથી દબાયેલું છે. મિટિંગમાં, મેલોનીએ કહ્યું હતું કે પશ્ચિમ બાકીના લોકો સામે ઇચ્છે છે તે વર્ણન અમે ક્યારેય સ્વીકારીશું નહીં.
 "G7 નેતાઓએ ચીનની ઘાતકી વ્યાપારી નીતિઓનો સામનો કરવાની લીધી પ્રતિજ્ઞા, માનવ તસ્કરીને લઈ થઈ ચર્ચા 2")
અશ્મિભૂત ઇંધણ ઘટાડવા પર કામ કરવાની પ્રતિબદ્ધતા
જી-7 બેઠકમાં યુક્રેન-રશિયા સંઘર્ષ, પશ્ચિમ એશિયામાં તણાવ ઉપરાંત ક્લાઈમેટ ચેન્જની સમસ્યા પર પણ ચર્ચા થઈ રહી છે. G-7 દેશો અમેરિકા, કેનેડા, જાપાન, જર્મની, ફ્રાન્સ, બ્રિટન અને ઇટાલીના નેતાઓએ આ દાયકામાં અશ્મિભૂત ઇંધણના ઘટાડા પર ઝડપથી કામ કરવા પ્રતિબદ્ધતા દર્શાવી છે. આ અંતર્ગત 2030 સુધીમાં મિથેન ગેસના ઉત્સર્જનને 75 ટકા સુધી ઘટાડવાનું લક્ષ્ય નક્કી કરવામાં આવ્યું છે.
ઇટલીમાં G-7 સમિટમાં બહાર પાડવામાં આવનાર ડ્રાફ્ટમાં જણાવાયું છે કે આ દાયકામાં ઊર્જા તરીકે અશ્મિભૂત ઇંધણનો વપરાશ તબક્કાવાર રીતે દૂર કરવા માટે યોગ્ય પગલાં લેવામાં આવશે. શ્રેષ્ઠ ટેક્નોલોજીની મદદથી 2050 સુધીમાં હાનિકારક વાયુઓના ઉત્સર્જનને નેટ શૂન્ય સુધી ઘટાડવાના લક્ષ્યને હાંસલ કરવા માટે એક્શન પ્લાનને ઝડપથી અમલમાં મૂકવાની જરૂર હતી.
આ પણ વાંચો: અમેરિકાએ 83 કરોડ રૂપિયાનું ઈનામ જાહેર કર્યુ, કોણ છે મોસ્ટ વોન્ટેડ આતંકવાદી?
આ પણ વાંચો:ઈટલીમાં PM મોદીનું ભવ્ય સ્વાગત, જો બિડેન સાથે કરી શકે છે મુલાકાત
