તહેવારોની સિઝન શરૂ થઈ ગઈ છે. ધનતેરસ અને દિવાળીનો તહેવાર આવી રહ્યો છે. આ પહેલા સોના અને ચાંદીના ભાવમાં ભારે ઘટાડો જોવા મળ્યો હતો. આજે MCX (મલ્ટી કોમોડિટી એક્સચેન્જ) પર સોનું અને ચાંદી ઘટાડા સાથે ખુલ્યા હતા. તાજેતરમાં સોના-ચાંદીના ભાવમાં ઉછાળો જોવા મળ્યો હતો. ઈઝરાયલ અને હમાસ વચ્ચે યુદ્ધ શરૂ થયા બાદ ભાવમાં અચાનક ઉછાળો આવ્યો હતો. સોના-ચાંદીના ભાવમાં વધારો થયો હતો પરંતુ આજે સોના-ચાંદીના ભાવમાં સુસ્તી સાથે શરૂઆત થઈ હતી.
સોનાના વાયદાના ભાવ 61 હજારથી નીચે ઉતર્યા છે, જ્યારે ચાંદીના વાયદાના ભાવ 72 હજારની આસપાસ કારોબાર કરી રહ્યા છે. ઈન્ટરનેશનલ માર્કેટમાં સોના અને ચાંદીના વાયદાના ભાવ વધારા સાથે શરૂ થયા હતા પરંતુ બાદમાં ઘટાડો જોવા મળ્યો હતો.
સોનું સસ્તું થયું
મલ્ટી કોમોડિટી એક્સચેન્જ પર સોનાનો ડિસેમ્બર કોન્ટ્રાક્ટ આજે 173 રૂપિયાના ઘટાડા સાથે 60,847 પર ખૂલ્યું હતું. આ સમયે તે દિવસના ઉચ્ચ સ્તરે રૂ. 60,847 અને નીચામાં રૂ. 60,755 પર પહોંચ્યો હતો. મે મહિનામાં સોનાની વાયદાની કિંમત 61,845 રૂપિયા પ્રતિ 10 ગ્રામની સર્વોચ્ચ સપાટીએ પહોંચી ગઈ હતી.
ચાંદી પણ ઝાંખી પડી
MCX પર ચાંદીનો બેન્ચમાર્ક ડિસેમ્બર કોન્ટ્રાક્ટ આજે 22 રૂપિયાના ઘટાડા સાથે 72,230 પર ખૂલ્યું હતું. સમાચાર લખાય છે ત્યારે આ કોન્ટ્રાક્ટ 158 રૂપિયાના ઘટાડા સાથે 72,094ના ભાવે ટ્રેડ થઈ રહ્યો હતો. આ સમયે તે દિવસની ટોચે 72,230 અને દિવસની નીચી સપાટી 72,010 રૂપિયા પ્રતિ કિલોના સ્તરે પહોંચ્યો હતો.
આંતરરાષ્ટ્રીય બજારમાં સોના અને ચાંદીના વાયદાના ભાવ વધારા સાથે શરૂ થયા હતા પરંતુ બાદમાં ઘટાડો જોવા મળ્યો હતો. Comex પર સોનું 1999.40 ડોલર પ્રતિ ઔંસ પર ખુલ્યું. પાછલી ક્લોજિંગ કિંમત 1999.30 ડોલર હતું. જો કે, સમાચાર લખવાના સમયે તે 7.40 ડોલરના ઘટાડા સાથે 1991.80 ડોલર પ્રતિ ઔંસના ભાવે ટ્રેડ થઈ રહ્યો હતો. Comex પર ચાંદીનો વાયદો 23.33 ડોલર પર ખૂલ્યો, જે અગાઉનો બંધ ભાવ 23.28 ડોલર હતો. સમાચાર લખવાના સમયે તે 0.04 ડોલરના ઘટાડા સાથે 23.24 ડોલર પ્રતિ ઔંસના ભાવે ટ્રેડ થઈ રહ્યો હતું.
આ પણ વાંચો: Israel Hamas War/ યુદ્ધ વચ્ચે UAEનું મોટું પગલું, ગાઝામાં ઓપરેશન ‘ગેલન્ટ નાઈટ 3’ શરૂ
આ પણ વાંચો: Telecom Licensing Rule/ Jio અને Airtel આ વિદેશી ફિનટેક કંપનીઓથી નારાજ! સરકારને કરી ફરિયાદ
આ પણ વાંચો: Stock Market/ બજારનો જબરજસ્ત તેજી સાથે પ્રારંભઃ સેન્સેક્સ 450થી વધુ પોઇન્ટના ઉછાળા સાથે ખૂલ્યો
