World News: અમેરિકાની બદલાતી નીતિએ પશ્ચિમ એશિયામાં નવી ચિંતા ઊભી કરી છે. સાઉદી અરેબિયા, યુએઈ, કતાર અને અન્ય ખાડી દેશોનું માનવું છે કે અમેરિકા દ્વારા ક્યારે સૈન્ય કાર્યવાહી અને ક્યારે કૂટનીતિને પ્રાધાન્ય આપવાના બદલાતા અભિગમથી સમગ્ર વિસ્તારમાં સુરક્ષા, ઊર્જા પુરવઠો અને આર્થિક સ્થિરતા પર અસર પડી શકે છે. ટ્રમ્પના તાજેતરના નિર્ણય બાદ ખાડી દેશોએ યુદ્ધને બદલે સંવાદનો માર્ગ અપનાવવાની અપીલ કરી છે.

બદલાતી અમેરિકન નીતિથી ખાડી દેશોની વધતી ચિંતા

અમેરિકાના રાષ્ટ્રપતિ ડોનાલ્ડ ટ્રમ્પે (Donald Trump)તાજેતરમાં ઈરાન સામે કડક વલણ દર્શાવ્યા બાદ અચાનક કૂટનીતિ તરફ વળવાના સંકેતો આપ્યા હતા. એક તરફ સૈન્ય કાર્યવાહી અંગે નિવેદનો અને બીજી તરફ હુમલો સ્થગિત રાખીને ચર્ચા માટે તૈયાર થવાનો અભિગમ ખાડી દેશોમાં અસ્વસ્થતા સર્જી રહ્યો છે. સાઉદી અરેબિયા, યુએઈ, કતાર અને ઓમાન જેવા દેશોનું માનવું છે કે અમેરિકાની અસ્પષ્ટ નીતિના કારણે સમગ્ર પશ્ચિમ એશિયામાં અનિશ્ચિતતા વધી રહી છે.

Gulf Countries એ યુદ્ધને બદલે કૂટનીતિ પર મૂક્યો ભાર

ખાડી દેશોએ અમેરિકાને સ્પષ્ટ સંદેશ આપ્યો છે કે ઈરાન સામે સૈન્ય કાર્યવાહી કરતાં રાજદ્વારી વાતચીત વધુ અસરકારક રહેશે. સાઉદી અરેબિયા, યુએઈ અને કતારે અમેરિકાને અપીલ કરી છે કે લાંબા ગાળાના યુદ્ધથી સમગ્ર પ્રદેશમાં અસ્થિરતા વધી શકે છે, જે વેપાર, રોકાણ અને સુરક્ષા માટે નુકસાનકારક સાબિત થશે.  ટ્રમ્પે પણ સ્વીકાર્યું કે સાઉદી ક્રાઉન પ્રિન્સ મોહમ્મદ બિન સલમાને યુદ્ધને બદલે ચર્ચાનો માર્ગ અપનાવવાની સલાહ આપી હતી.

હોર્મુઝ સ્ટ્રેટ અને ઊર્જા પુરવઠા પર સૌથી મોટું જોખમ

ખાડી દેશોની સૌથી મોટી ચિંતા હોર્મુઝ સ્ટ્રેટ (Hormuz Strait) છે. વિશ્વના મોટા ભાગનું ક્રૂડ ઓઈલ અને કુદરતી ગેસ આ દરિયાઈ માર્ગથી પસાર થાય છે. જો અમેરિકા અને ઈરાન વચ્ચે સૈન્ય સંઘર્ષ વધશે તો હોર્મુઝ સ્ટ્રેટમાં અવરજવર ખોરવાઈ શકે છે, જેના કારણે વૈશ્વિક બજારમાં તેલના ભાવ વધી શકે છે અને ઊર્જા પુરવઠા પર ગંભીર અસર થઈ શકે છે. કતારે મધ્યસ્થતા કરીને હોર્મુઝ સ્ટ્રેટને ફરી ખુલ્લો કરવાની દરખાસ્ત પણ મૂકી છે, જોકે હજુ સુધી કોઈ અંતિમ સમજૂતી થઈ નથી.

Military Bases અને સુરક્ષા અંગે વધતી ચિંતા

ખાડી દેશોએ અમેરિકા પાસે વધારાની એર ડિફેન્સ સિસ્ટમ અને સુરક્ષા સહાયની માંગ કરી છે. તેમને ભય છે કે ઈરાન તરફથી સંભવિત હુમલા તેમના દેશોને સીધી અસર કરી શકે છે. અમેરિકાના કતાર, બહેરિન, કુવૈત સહિતના અનેક દેશોમાં આવેલા Military Basesને કારણે આ વિસ્તાર વ્યૂહાત્મક રીતે અત્યંત મહત્વનો માનવામાં આવે છે. વિશ્લેષકોનું માનવું છે કે અમેરિકાની નીતિમાં સ્પષ્ટતા નહીં આવે ત્યાં સુધી પશ્ચિમ એશિયામાં તણાવ યથાવત રહી શકે છે.

આ પણ વાંચો:અમેરિકાના વિદેશ મંત્રી રૂબિયોની મોટી જાહેરાત: ડોનાલ્ડ ટ્રમ્પ લેશે ભારતની મુલાકાત, ભારત-અમેરિકા ટ્રેડ ડીલને મળી શકે છે ગતિ

આ પણ વાંચો:ડોનાલ્ડ ટ્રમ્પના હુમલા રોકવાના દાવા પર ઈરાનનો પલટવાર; કહ્યું ‘ટ્રમ્પનો દમ નીકળી ગયો’

આ પણ વાંચો:ઈરાન સાથેની શાંતિ ડીલ પહેલા ઈઝરાયલનો લેબેનોન પર મોટો હુમલા, ડોનાલ્ડ ટ્રમ્પની ચિંતા વધી