Gujarat News: ગુજરાત માટે ગૌરવની ક્ષણ સર્જાઈ છે. કચ્છ જિલ્લાના બન્ની વિસ્તારમાં આવેલ પ્રખ્યાત ‘છારી-ઢંઢ પક્ષી અભયારણ્ય’ (Chhari-Dhandh)ને સત્તાવાર રીતે વૈશ્વિક મહત્વ ધરાવતા રામસર વેટલેન્ડ સાઇટ તરીકે જાહેર કરવામાં આવ્યું છે. આ સાથે છારી-ઢંઢ ગુજરાતનું પાંચમું અને કચ્છ જિલ્લાનું પ્રથમ આંતરરાષ્ટ્રીય મહત્વ ધરાવતું વેટલેન્ડ બન્યું છે.
આ ઐતિહાસિક સિદ્ધિનું પ્રમાણપત્ર ગાંધીનગર ખાતે વન અને પર્યાવરણ મંત્રી અર્જુન મોઢવાડિયા (Chhari-Dhandh)દ્વારા વન વિભાગ તરફથી મુખ્યમંત્રી ભૂપેન્દ્રભાઈ પટેલને અર્પણ કરવામાં આવ્યું હતું. આ પ્રસંગે મુખ્યમંત્રીએ સમગ્ર વન વિભાગ, અધિકારીઓ અને સંકળાયેલી ટીમને અભિનંદન પાઠવ્યા હતા.
ગુજરાતના પર્યાવરણ સંરક્ષણમાં એક વધુ માઈલસ્ટોન
રામસર કન્વેન્શન અંતર્ગત કોઈ પણ વેટલેન્ડને માન્યતા મળવી એ તેના પર્યાવરણીય, જૈવિક અને આંતરરાષ્ટ્રીય મહત્વને દર્શાવે છે. છારી-ઢંઢને આ દરજ્જો મળવાથી ગુજરાતે વેટલેન્ડ સંરક્ષણના ક્ષેત્રમાં એક વધુ માઈલસ્ટોન હાંસલ કર્યો છે.
હાલ ગુજરાતમાં રામસર સાઇટ્સની સંખ્યા હવે વધીને પાંચ થઈ છે, જે રાજ્યની પર્યાવરણ પ્રત્યેની પ્રતિબદ્ધતા દર્શાવે છે.
શું છે છારી-ઢંઢ (Chhari-Dhandh)નું મહત્વ?
છારી-ઢંઢ બન્ની ઘાસમેદાન વિસ્તારમાં આવેલું એક અનોખું વેટલેન્ડ છે, જે ખાસ કરીને પ્રવાસી પક્ષીઓ માટે જાણીતું છે. અહીં શિયાળાની ઋતુમાં દેશ-વિદેશથી હજારો પક્ષીઓ આવે છે. ફ્લેમિંગો, પેલિકન, ક્રેન, સ્ટોર્ક અને અનેક દુર્લભ પ્રજાતિઓ માટે છારી-ઢંઢ (Chhari-Dhandh)સુરક્ષિત આશ્રયસ્થાન છે.
આ વેટલેન્ડ માત્ર પક્ષીઓ માટે જ નહીં, પરંતુ સ્થાનિક પર્યાવરણ, ભૂગર્ભ જળ સંરક્ષણ અને હવામાન સંતુલન માટે પણ અત્યંત મહત્વપૂર્ણ છે.
મુખ્યમંત્રી ભૂપેન્દ્ર પટેલનો સંદેશ
પ્રમાણપત્ર સ્વીકારતા મુખ્યમંત્રી ભૂપેન્દ્રભાઈ પટેલે જણાવ્યું હતું કે,
“છારી-ઢંઢને મળેલો રામસર દરજ્જો માત્ર કચ્છ માટે નહીં, પરંતુ સમગ્ર ગુજરાત માટે ગૌરવની વાત છે. રાજ્ય સરકાર પર્યાવરણ સંરક્ષણ અને જૈવ વૈવિધ્ય જાળવણી માટે સતત પ્રયત્નશીલ છે.”
તેમણે વધુમાં ઉમેર્યું કે, આ માન્યતા ભવિષ્યમાં ઇકો-ટુરિઝમ, સંશોધન અને સ્થાનિક રોજગારની નવી તકો પણ ઊભી કરશે.
વન અને પર્યાવરણ મંત્રી અર્જુન મોઢવાડિયાની ભૂમિકા
વન અને પર્યાવરણ મંત્રી અર્જુન મોઢવાડિયાએ જણાવ્યું હતું કે,
“છારી-ઢંઢ ને રામસર સાઇટ તરીકે માન્યતા અપાવવાનું લક્ષ્ય લાંબા સમયથી હતું. વન વિભાગના અધિકારીઓ, વૈજ્ઞાનિકો અને સ્થાનિક સમુદાયના સહયોગથી આ શક્ય બન્યું છે.”
તેમણે કહ્યું કે, રામસર દરજ્જા પછી છારી-ઢંઢના સંરક્ષણ માટે વધુ મજબૂત વ્યવસ્થાઓ અમલમાં મૂકવામાં આવશે.
સ્થાનિક સમુદાય અને ઇકો-ટુરિઝમને ફાયદો
આંતરરાષ્ટ્રીય માન્યતા મળ્યા બાદ છારી-ઢંઢ ખાતે ઇકો-ટુરિઝમની સંભાવનાઓ વધશે. સ્થાનિક માલધારીઓ અને ગ્રામજનો માટે રોજગારની નવી તકો ઊભી થશે. સાથે સાથે, વૈજ્ઞાનિક સંશોધન અને પર્યાવરણ શિક્ષણ માટે પણ આ વિસ્તાર મહત્વપૂર્ણ બનશે.
ગુજરાતની અન્ય રામસર સાઇટ્સ
છારી-ઢંઢ સાથે ગુજરાતની રામસર સાઇટ્સમાં સામેલ છે.
નલ સરોવર
થોલ લેક
વઢવાણા લેક
ખિજડિયા વેટલેન્ડ
હવે છારી-ઢંઢ પણ આ પ્રતિષ્ઠિત યાદીમાં જોડાયું છે.
આ પણ વાંચો:ભારત-યુ.એસ. ટ્રેડ ડીલ અંગે મુખ્યમંત્રી ભૂપેન્દ્ર પટેલની પ્રતિક્રિયા
આ પણ વાંચો:દ્વારકાધીશના શરણે CM ભૂપેન્દ્ર પટેલ, જગતમંદિરમાં પાદુકા પૂજન કરી આશીર્વાદ મેળવ્યા
