નડીયાદ,
નડિયાદમાં એક્સપ્રેસ હાઈવે પર ફાયરીંગમાં કારચાલકનું મોત નીપજ્યુ છે. અજાણ્યા શખ્સો કારચાલક પર ફાયરીંગ કરી ફરાર થઇ ગયા હતા. કારચાલકના શરીર પર ફાયરીંગ અને ચપ્પાના ઘાના નિશાન મળ્યા હતા. કારમાંથી ફાયરીંગ થયેલ બુલેટની ખાલી કારતૂસ પણ મળી આવી હતી.
મૃતકની ઓળખ સંજય તારાચંદ ચેંગ તરીકે થઈ છે. ચેંગ વડોદરાની એશિયન ગ્રીનીટો કંપનીના જનરલ મેનેજર તરીકે ફરજ બજાવતા હતા અને વડોદરાના રહેવાસી હતા. નડિયાદમાં તેમની સાસરી હતી.
ગતરોજ રાત્રે તેઓ નડિયાદથી વડોદરા ગયા હતા અને આજે વહેલી સવારે વડોદરાથી નડિયાદ પરત ફરતા વડોદરા અમદાવાદ એક્સપ્રેસ હાઈવેથી બહાર નીકળતા 200 મીટરની દુરી પર 3 થી 4 અજાણ્યા શખ્સોએ ફાયરિંગ કરી અને ચપ્પા ના ઘા મારી તેમની હત્યા કરી નાખી હતી અને ઘટના સ્થળેથી ફરાર થતા આરોપીઓ માંથી 1ની ધરપકડ કરી લેવામાં આવી છે. અક્ષર ટાઉનશિપના રહેવાસીઓને આ આરોપીની હિલચાલ શંકાસ્પદ લાગતા લોકોએ તેને અટકાવીને ઢોર માર મારી પોલીસના હવાલે કરેલ છે.