જામનગર,
જામનગર નજીક નાઘેડિ ગામમાં આવેલ પ્રાઇમ એક્સપોર્ટ ઈન્ડસ્ટ્રીઝ કે જે મોનોમર પ્લાસ્ટિક બનાવતી કંપનીમાં આજે એકા એક આગ લાગવાનો બનાવ બન્યો હતો જેને લઈને આ આગને કાબૂમાં લેવા જામનગર ફાયરફાઇટરો યુધ્ધના ધોરણે ઘટના સ્થળે તાત્કાલિક પહોંચી આવી હતી. સતત ત્રણ ફાયર ફાઇટરો દ્વારા આ આગને કાબૂમાં લેવાના પ્રયાસો હાથ ધરાયા હતા, પરંતુ વિકરાળ સ્વરૂપે લાગેલી આ આગ ને કારણે જામનગર નજીક રિલાયન્સ, એસ્સાર, જીએસએફસી અને એરફોર્સથી પણ ફાયર ફાઇટરો બોલાવવામાં આવ્યા હતા.
સતત ફાયર ફાઇટરોની જહેમત આ આગને કાબુમાં લેવા જહેમત ઉઠાવી હતી, તો બીજી તરફ પોલીસ કાફલો પણ ઘટના સ્થળે પહોંચી આવ્યો હતો જો કે આ વિકરાળ આગ નાઘેડિ થી 10 કિલોમીટરના અંતર સુધી તેના ધુમાડા દેખાયા હતા, જેને લઈને સ્થાનિક લોકોના ટોળેટોળાં ઉમટી પડ્યા હતા.
ફેક્ટરી માલિકના જણાવ્યા અનુસાર આ આગ ફેક્ટરીની બહાર લાગેલા વીજ ટ્રાન્સફોર્મરમાં શૉટ સર્કિટ થવાને કારણે લાગી હોવાનો દાવો કર્યો હતો પરંતુ જામનગર મનપાના ચીફ ફાયર ઓફિસર દ્વારા આ આગ લાગવાનુ કારણ અકબંધ હોવાનું જણાવ્યુ હતું. જો કે બપોરના સમયે આ આગ લાગતાં ફેક્ટરીના મજૂરો અંદર ન હોય અને કોઈ પણ પ્રકારની જાનહાનિ થઈ ન હતી. સતત 4 કલાકથી લાગેલી આ આગ હજુ પણ યથાવત છે જેને લઈને ફાયર ફાઇટરો દ્વારા સતત પાણી નો મારો ચલાવવામાં આવી રહ્યો છે.
