ગુજરાતમાં એક એવું મંદિર છે, જ્યાં માનતા પૂર્ણ થવા પર લોકો પાણીની બોટલ ચઢાવે છે. આ મંદિર ગુજરાતના પાટણમાં છે. પાટણથી મોઢેરા જવાના રસ્તે લોકો રસ્તાની બાજુમાં થોડીક ઇંટો રાખીને બનાવેલા મંદિરમાં પાણીની બોટલ ચઢાવે છે. એવું માનવામાં આવે છે કે આ મંદિરમાં લોકોની મનોકામનાઓ પૂર્ણ થાય છે. મંદિરોમાં લોકો લાડુ, ખીર ચઢાવે છે, પરંતુ અહીં પ્રસાદના રૂપમાં માત્ર પાણી ચઢાવવામાં આવે છે.
21 મે 2013ના રોજ આ જગ્યાએ એક ઓટો રિક્ષા અને કાર વચ્ચે ટક્કર થઈ હતી, જેમાં 8 લોકોમાંથી 6 લોકોના ઘટનાસ્થળે જ મોત થયા હતા. કહેવાય છે કે ઓટોમાં સવાર લોકો લગ્નમાં જઈ રહ્યા હતા, જેમાં 2 બાળકો પણ સામેલ હતા.
નજીકના ફાર્મ હાઉસમાં કામ કરતા એક ચોકીદારે જણાવ્યું કે અકસ્માત બાદ બંને બાળકો સતત પાણી માંગી રહ્યા હતા, પરંતુ કોઈએ તેમને પાણી ન આપ્યું અને બંનેનું પણ ત્યાં જ મોત થઈ ગયું. થોડા સમય પછી એ જ જગ્યાએ અકસ્માતો થવા લાગ્યા.
આ પછી, સ્થાનિક લોકોએ તે બંને બાળકોને ભગવાન માની લીધા અને થોડી ઇંટોથી એક નાનું મંદિર બનાવી દીધું અને પૂજા કરવા લાગ્યા. લોકોનું માનવું છે કે આ પછી નજીકના કૂવામાં જ્યાં ખારું પાણી હતું તે કૂવાના પાણી પણ મીઠા થઈ ગયા અને તે રસ્તા પર અકસ્માતો પણ બંધ થઈ ગયા.
લોકો એવું પણ માને છે કે આ પાણીને પ્રસાદ તરીકે લેવાથી શરીરના કષ્ટો દૂર થાય છે. ત્યારથી લોકો મન્નત લઈને આવવા લાગ્યા. અહીં માનતા પૂર્તિ પર 12 થી 100 બોટલ અને હજારો પાણીના પાઉચ ચઢાવવામાં આવે છે.
