અમરેલી,
અમરેલી જિલ્લાના છેવાડાના ગામડાઓમાં બનાવવામાં આવેલા આરસીસી રોડમાં મોટા પાયે ભ્રષ્ટ્રાચાર થયો હોવાની ગ્રામજનોમાં બૂમ ઉઠી છે.
કુંકાવાવ તાલુકાનું ખડખડ ગામ જે છેલ્લા થોડા સમયથી વિકાસના પંથે આગળ વધી રહ્યું હોય તેવું નજરે પડે છે. પણ આ ગામમાં છેલ્લા બે જ મહિના પહેલા આર સી સી રોડ બન્યો છે.
જે ગામની વચ્ચે આવેલ છે અને આ રોડમાં બે જ મહિનામા ગાબડાઓ પડવા લાગ્યા છે અને ધૂળની ડમરીઓ ઉડવા લાગી છે. સ્થાનિકોને ઊડતી ધૂળની ડમરીઓના લીધે લોકો ત્રાહિમામ પોકારી ઉઠયા છે.
અહીંના સ્થાનિક લોકોનું કહેવું છે કે અમારે કેટલાયે સમય બાદ આર.સી.સી. અને ડામર રોડ બન્યો છે. પણ અફસોસ કે આ છેવાડાના ગામડાઓમાં વિકાસના કામોની સાથે સાથે ગેરરીતિઓ આચરવામાં આવી રહી હોવાની ગ્રામજનોનો આક્ષેપ છે.
સરકાર દ્વારા ચોક્કસ તપાસ કરવામાં આવે તેવી સ્થાનિકોની માગ ઉઠી છે. તેમજ આ સી.સી.રોડ અને ડામર રોડના કામમાં તપાસ થાય તો ? દૂધનું દૂધ અને પાણીનું પાણી નજરે આવી જશે…
