Hardik Pandya on difficult times: ટીમ ઇન્ડિયાના ઓલરાઉન્ડર હાર્દિક પંડ્યા (Hardik Pandya) છેલ્લા ઘણા દિવસોમાં ચર્ચામાં છવાયેલો છે, એક તરફ IPLમાં તેનું પ્રદર્શન ખરાબ રહ્યું હતું, તો બીજી તરફ તેની પત્ની નતાશા સાથેના છૂટાછેડાના સમાચારે સોશિયલ મીડિયા પર ખૂબ જ ધૂમ મચાવી છે. જોકે, હાર્દિક અને નતાશા (HardiK Pandya Wife Nataša Stanković)એ આ સમાચારો પર ખુલીને પ્રતિક્રિયા આપી નથી. આ સાથે જ હાર્દિક ટી20 વર્લ્ડ કપ રમવા માટે અમેરિકા આવ્યો છે. બાંગ્લાદેશ સામેની વોર્મ-અપ મેચમાં હાર્દિકે ફરી એકવાર પોતાની બેટિંગથી ચાહકોના દિલ જીતી લીધા હતા. બાંગ્લાદેશ સામેની મેચમાં હાર્દિકે 23 બોલમાં 40 રનની અણનમ ઇનિંગ રમી હતી. IPLમાં હાર્દિકનું બેટ શાંત હતું પરંતુ વોર્મ-અપ મેચમાં હાર્દિકે પોતાની બેટિંગથી બતાવી દીધું કે તે ટીમ ઈન્ડિયા માટે કેમ ખૂબ જ મહત્વપૂર્ણ છે.
આ સાથે જ હાર્દિકે પોતાના મુશ્કેલ સમયની વાત કરી છે. સ્ટાર સ્પોર્ટ્સ સાથે વાત કરતા હાર્દિક પંડ્યાએ કહ્યું, “હું માનું છું કે આખરે તમારે લડાઈમાં જ રહેવું પડશે, કેટલીકવાર જીવન તમને એવી પરિસ્થિતિમાં મૂકે છે જ્યાં વસ્તુઓ મુશ્કેલ હોય છે, પરંતુ હું માનું છું કે જો તમે રમતમાં રહો છો, “અથવા મેદાન છોડી દો, એટલે કે, લડાઈ, તો પછી તમે તમારી રમતમાંથી જે ઇચ્છો છો, અથવા તમે જે પરિણામો શોધી રહ્યા છો તે તમને મળશે નહીં.”
પંડ્યાએ આગળ કહ્યું, “હા મારા માટે મુશ્કેલ હતું, પરંતુ તે જ સમયે, હું પ્રક્રિયા દ્વારા પ્રેરિત થયો છું, મેં તે જ દિનચર્યાઓને અનુસરવાનો પ્રયાસ કર્યો છે જે હું પહેલાથી જ અનુસરી રહ્યો છું, આ વસ્તુઓ બનતી રહે છે અને ખરાબ સમય આ એવા તબક્કા છે જે આવે છે..તે ઠીક છે..હું ઘણી વખત આમાંથી પસાર થયો છું અને હું આમાંથી પણ બહાર આવીશ.”
હાર્દિકે એમ પણ કહ્યું કે સફળતા તેના માથા પર નથી ચડતી અને નિષ્ફળતાઓ પણ તેના પર બહુ અસર કરતી નથી. પોતાના મંતવ્યો વ્યક્ત કરતાં હાર્દિકે કહ્યું, “હું મારી સફળતાઓને બહુ ગંભીરતાથી લેતો નથી… મેં જે પણ સારું કર્યું છે, હું તેને તરત જ ભૂલી જાઉં છું અને આગળ વધી જાઉં છું. મુશ્કેલ સમયમાં પણ એવું જ હોય છે..” તેણે આગળ કહ્યું, “હું ડોન મુશ્કેલ સમયથી ભાગતા નથી … હું દરેક વસ્તુનો સામનો કરું છું અને જેમ તેઓ કહે છે, તે પણ પસાર થઈ જશે, તેથી તમે ફક્ત તેને સ્વીકારો છો ..”
આ પણ વાંચો: T20 વર્લ્ડ કપ પહેલા ઇંગ્લેન્ડની ટીમના આ ખેલાડી પર મૂકાયો પ્રતિબંધ, જાણો શું છે કારણ
આ પણ વાંચો: ભારતીય ટીમના મુખ્ય કોચ રાહુલ દ્રવિડ અને કેપ્ટન રોહિત શર્માએ યજમાન અમેરિકાને લઈને ICCને કરી ફરિયાદ
આ પણ વાંચો: T20 વર્લ્ડ કપ પહેલા માઈકલ ક્લાર્કે રોહિત શર્મા એન્ડ કંપની માટે આપી ચેતવણી
