રાજકોટની ચટણી બનાવવા માટેની સામગ્રી:
20 નંગ – તીખા લીલા મરચા
પોણો કપ – કાચા સીંગદાણા
મીઠું – 1 ચમચી
અડધી ચમચી – લીંબુના ફૂલ
ચપટી – હળદર
2 ચમચી – લીંબુનો રસ
રાજકોટની ચટણી બનાવવા માટેની રીત:
★ સીંગદાણાને ધોઈને ડૂબાડૂબ પાણીમાં 8 થી 10 કલાક પલાળી દેવા.
★ દર 1 કલાકે સીંગદાણાને ચોળીને ધોઈને પાણી બદલવું.
★ 7 થી 8 વખત સીંગદાણા ધોયા અને ફરી પાણી માં પલાળીયા.
★ હવે સિંગદાણાને પાણી માથી ચાઈની માં નિતારી લો.
★ મીક્સચર ના ચટણી જાર માં લીલા મરચા, મીઠું, હળદર અને લીંબુના ફૂલ તથા સીંગદાણા બધુ જ ગ્રાઇન્ડ કરો.
★ હવે તેમાં 1 લીંબુનો રસ ઉમેરો.
★ બને તો આ ચટણી સુકીજ ગ્રાઇન્ડ કરો, જો જરૂર પડે તો 1 થી 2 ટેબલ સ્પૂન પાણી નાખી શકાય.
★ આ ચટણી ને ફ્રીઝર માં ડબ્બા માં ભરીને રાખવી.
★ 1 મહિના સુધી સારી રહે છે.
★ જ્યારે જરૂર પડે ત્યારે ચટણી માં પાણી નાખીને ઢીલી કરવી.
