Not Set/ અધિકારીઓએ કોઈ ભૂલ જ કરી નહોતી, તો પછી ચિદમ્બરમ કેવી રીતે જવાબદાર : મનમોહનસિંહ

તેમણે એમ પણ કહ્યું હતું કે, જો ભલામણને મંજૂરી આપવા માટે માત્ર એક જ મંત્રી જવાબદાર રહેશે, તો સંપૂર્ણ સરકારી સિસ્ટમનો નાશ થશે. મનમોહન સિંહ કોંગ્રેસ અધ્યક્ષ સોનિયા ગાંધી સાથે તિહાર જેલ પહોંચ્યા હતા અને ચિદમ્બરમને મળ્યા હતા અને તેમની સાથે એકતા દર્શાવી હતી. આપને જણવી દઇએ કે, INX મીડિયા કેસમાં ધરપકડ કરાયેલા ચિદમ્બરમ હાલમાં તિહાડ જેલમાં બંધ છે. અને કોર્ટ દ્વારા તેમની કસ્ટડીની મુદ્દતમાં વધારો કરી દેવામાં આવ્યો છે.

ચિદમ્બરમ સાથેની મુલાકાત બાદ ડો. સિંહે એક નિવેદનમાં કહ્યું, “અમને અમારા સાથી પી. ચિદમ્બરમની સતત કસ્ટડીની ચિંતા છે.” તેમણે કહ્યું કે અમારી સરકારી સિસ્ટમમાં કોઈ એક વ્યક્તિ કોઈ નિર્ણય લઈ શકતો નથી, બધા નિર્ણયો સામૂહિક નિર્ણયો હોય છે, જે ફાઈલોમાં રેકોર્ડ થાય છે. કેન્દ્ર સરકારના 6 સચિવો સહિત એક ડઝન અધિકારીઓએ દરખાસ્તની તપાસ કર્યા બાદ તેમની ભલામણ આપી હતી. ચિદમ્બરમે મંત્રી તરીકે સર્વાનુમતે ભલામણને મંજૂરી આપી હતી.

પૂર્વ વડાપ્રધાને સવાલ ઉઠાવ્યો, “જો અધિકારીઓનો કોઈ દોષ ન હોય, તો પછી જે મંત્રી જેણે સર્વસંમતિથી મળેલી ભલામણને મંજૂરી આપે છે, તેના પર કેવી રીતે ગુનો કરવાનો આરોપ લગાવી શકે તે સમજણથી પરેય છે.”

તેમણે કહ્યું હતું કે, જો ભલામણને મંજૂરી આપવા માટે ફક્ત એક જ મંત્રી જવાબદાર રહેશે, તો આખી સરકારી વ્યવસ્થા તૂટી જશે.” મને આશા છે કે કોર્ટ આ કેસમાં ન્યાય આપશે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમનેફેસબુક, ટ્વીટર, ઇન્સ્ટાગ્રામઅનેયુ ટ્યુબપર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ”ની નવી મોબાઇલ એપ્લિકેશન.