Not Set/ UN ક્લાઇમેટ સમિટ : વાતો કરવાનો સમય પૂરો, હવે વિશ્વએ કામ કરી બતાવવું પડશે : PM મોદી

PM મોદીએ વધુમાં કહ્યું કે, જો આપણે આંતરરાષ્ટ્રીય સ્તરે વાત કરીએ તો વિશ્વના 80 દેશો આંતરરાષ્ટ્રીય સૌર જોડાણમાં અમારી સાથે આવ્યા છે. અમારું માનવું છે કે, ઉપદેશ કરતા યોગ્ય વસ્તુઓની પ્રેક્ટિસ કરવી વધુ સારી છે. અમે ભારતમાં 2022 સુધી નવીનીકરણીય ઉર્જાના 175 મેગા વોટનું ઉત્પાદન કરવાનું લક્ષ્ય રાખ્યું છે. PM મોદીએ વધુમાં કહ્યું કે, હવે વાત કરવાનો સમય પૂરો થઈ ગયો છે, વિશ્વએ હવે આ દિશામાં કામ કરીને બતાવવું પડશે.

PM મોદીએ પોતાના સંબોધનમાં કહ્યું કે, અમે અમારા દેશ ભારતમાં સિંગલ યુઝ પ્લાસ્ટિક સામે ઝુંબેશ શરૂ કરી છે, હું આશા રાખું છું કે, અમે વૈશ્વિક સ્તરે સિંગલ યુઝ પ્લાસ્ટિક સામે જાગૃતિ અભિયાન ચલાવીશું અને તેમા તમામ વિશ્વનો સાથ મળશે અને સફળતા પણ. અમે આવતીકાલે 24 સપ્ટેમ્બર, યુએન બિલ્ડીંગમાં ભારત દ્વારા સ્થાપિત સોલર પેનલનું ઉદ્ઘાટન કરીશું. જે અમારા માટે ગર્વનો વિષય છે.