સુરતમા નકલી પત્રકારે હદ વટાવી હતી.અરુણ પાઠક નામના ઇસમે પત્રકાર તરીકે ઓળખ આપી સામાન્ય માણસોને છેતરવાનુ કામ કરતો હતો બાંધકામ થાય તે જગ્યા જઈ લોકો પાસે પત્રકારના નામે પૈસા ઉઘરાવતો હતો. ડીંડોલીમાં બાંઘકામની સાઈડ પર જઈ 5 લાખની ખંડણી માંગણી કરતા ન મળતા માલિકની સાથે મારામારી કરી હતી ડીંડોલી પોલીસે અરુણ પાઠક અને અન્ય બે સાગરીતો વિરૂદ્ધ ગુનો દાખલ કરાયો હતો. પોલીસે ધરપકડ કરી વધુ તપાસ શરૂ કરી હતી.
નકલી પત્રકારે હદ વટાવી
મળતી માહિતી અનુસાર, અરુણ પાઠક નામનો આ બોગસ પત્રકાર કોઈ પણ જગ્યાએ બાંધકામ થાય ત્યાં જઈ પત્રકારના નામે પૈસા ઉઘરાવતો હતો. અને જો કોઈ બોલાચાલી કરે તો ધકધમકીઓ પણ આપતો હતો. આ જ રીતે તેણે ડીંડોલી વિસ્તારમાં બાંઘકામની સાઈડ પર જઈ 5 લાખ રૂપિયા માંગ્યા હતા. તેમજ એવી ધમકી પણ આપી હતી કે, 5 લાખ રૂપિયા નહિ આપે તો તારું બાંધકામ તોડાવી દઈશ.
આ સિવાય વધુ એક જગ્યાએ પણ આ જ રીતની માંગણી કરી હતી. તેણે નવનિર્મિત બાંઘકામ પર જઈ માલીકની સાથે મારામારી પણ કરી હતી. જેના કારણે બોગસ પત્રકાર વિરુદ્ધ ફરિયાદ દાખલ કરવામાં આવી છે. તેથી ફરીયાદના આધારે ડીંડોલી પોલીસે અરુણ પાઠક અને અન્ય બે સાગરીતો વિરૂદ્ધ ગુનો દાખલ કર્યો છે. તેમજ આ આરોપીની ડીંડોલી પોલીસ દ્વારા ધરપકડ પણ કરવામાં આવી છે અને આ અંગે વધુ તપાસ હાથ ધરી છે.
આ પણ વાંચો:રતનપર સ્વામિનારાયણ મંદિરમાં ધરાવાયો કેરીનો અન્નકૂટ
આ પણ વાંચો:ઓઢવમાં ધોળા દિવસે બંદૂકની અણીએ આંગડિયા પેઢીમાંથી 50 લાખની લૂંટ
