Political/ CM ની રેસમાં કેબિનેટ મંત્રી આર.સી.ફળદુનું નામ ચર્ચામાં ઉમેરાયું

• મુખ્યમંત્રી પસંદગીને લઇને મોટા સમાચાર
• કેબિનેટ મંત્રી આર.સી.ફળદુનું નામ પણ ચર્ચામાં ઉમેરાયું
• ગુજરાત સરકારનાં કૃષિ મંત્રી છે ફળદુ
• જામનગરથી ધારાસભ્ય છે ફળદુ
• નવસેરથી ચૂંટણી ટાળવા ફળદુનું નામ ઉમેરાયું
• નરેન્દ્ર મોદી ગુજરાતને આપી શકે છે સરપ્રાઇઝ
• કોણ બનશે નવા મુખ્યમંત્રી?
• ગાંધીનગરમાં ચાલી રહી છે મથામણ
• પ્રફુલ પટેલ પણ મોડી રાત્રે પહોંચ્યા ગાંધીનગર
• ગમે તે ઘડીએ થઇ શકે છે જાહેરાત

વિજય રૂપાણીએ મુખ્યમંત્રી પદેથી રાજીનામું આપ્યા બાદ આજે ગુજરાતમાં ભાજપ વિધાનસભા પક્ષની બેઠક બોલાવવામાં આવી છે. જેમા રાજ્યનાં નવા મુખ્યમંત્રીનું નામ નક્કી થશે. ગુજરાતનાં આગામી મુખ્યમંત્રી કોણ બનશે તેની રેસમાં અનેક નામો ચાલી રહ્યા છે. ડેપ્યુટી સીએમ નીતિન પટેલ, મનસુખ માંડવિયા, પ્રફુલ પટેલ, ગોરધન ઝાડફિયા, પુરુષોત્તમ રૂપાલાને પણ મુખ્યમંત્રી બનાવી શકાય છે. જો કે, ભાજપ નવા નામની જાહેરાત કરીને પણ આશ્ચર્ય પામી શકે છે. જો કે તાજેતરમાં મળી રહેલી માહિતી અનુસાર કેબિનેટ મંત્રી આર.સી.ફળદુનું નામ પણ ચર્ચામાં ઉમેરાયું છે.

આ પણ વાંચો – Political / CM રૂપાણીનાં રાજીનામા બાદ હાર્દિક પટેલ અને જીગ્નેશ મેવાણીએ તીખા શબ્દોમાં આપી પ્રતિક્રિયા

વિજય રૂપાણીનાં રાજીનામા બાદ ગુજરાતનાં આગામી મુખ્યમંત્રી કોણ હશે તે નક્કી કરવા માટે ભાજપે આજે (રવિવારે) વિધાનસભા પક્ષની બેઠક બોલાવી છે. મુખ્યમંત્રી પદની રેસમાં ઘણા નામ આગળ ચાલી રહ્યા છે. પરંતુ તે નકારી શકાય નહીં કે ભાજપ ફરી એક વખત નવા મુખ્યમંત્રી સાથે લોકોને ચોંકાવી શકે છે. અગાઉ, જ્યારે CM રૂપાણીને છેલ્લી વખત મુખ્યમંત્રી બનાવવામાં આવ્યા હતા, ત્યારે તે સમયે નીતિન પટેલનું નામ ચાલી રહ્યું હતું. જો કે, બાદમાં જ્યારે મુખ્યમંત્રીનાં નામની જાહેરાત કરવામાં આવી ત્યારે વિજય રૂપાણીનાં નામની જાહેરાત કરવામાં આવી, જેણે સૌને આશ્ચર્યચકિત કરી દીધા હતા. જે નામો હાલમાં મુખ્યમંત્રી પદની રેસમાં અગ્રેસર છે, તેમાં એક નામ ડેપ્યુટી સીએમ નીતિન પટેલનું પણ છે, જે હાલમાં ડેપ્યુટી સીએમ છે. આ સાથે જ પાટીદાર સમાજમાંથી આવતા કેન્દ્રીય મંત્રી મનસુખ માંડવિયા, પુરુષોત્તમ રૂપાલાનાં નામ પણ સામેલ છે. લક્ષદ્વીપનાં સંચાલકો પ્રફુલ પટેલ અને ગોરધન ઝાડફિયા પણ ગુજરાતનાં નવા મુખ્યમંત્રી બની શકે છે. વળી તાજેતરમાં મુખ્યમંત્રીની રેસમાં કેબિનેટ મંત્રી આર.સી.ફળદુનું નામ ચર્ચામાં ઉમેરાયુ છે.

આ પણ વાંચો – Gujarat / નવા મુખ્યમંત્રી અંગે સસ્પેન્સ, પ્રહલાદ જોશી અને નરેન્દ્ર સિંહ તોમર આજે ગુજરાતમાં

આપને જણાવી દઇએ, આર.સી.ફળદુ ગુજરાત સરકારનાં કૃષિ મંત્રી છે. તેઓ જામનગરથી ધારાસભ્ય છે. આ ઉપરાંત ગાંધીનગરમાં બેઠકોની ધમધમાટ શરૂ થઇ ગઇ છે. જણાવી દઇએ કે, પ્રફુલ પટેલ પણ મોડી રાત્રે ગાંધીનગર પહોંચ્યા છે. કોઇ પણ સમયે મુખ્યમંત્રીનાં નામની જાહેરાત થઇ શકે છે.

જુઓ સમગ્ર અહેવાલ મંતવ્ય ન્યૂઝ સાથે…