અમદાવાદઃ ગુજરાત અને તેમા પણ ખાસ કરીને અમદાવાદમાં કોઈ આવેને ખમણ-ઢોકળાની મજા માણ્યા વગર રહે તેવું ભાગ્યે જ બને. આઇસીસી ક્રિકેટ વર્લ્ડ કપ 2023ની રવિવારે 19મી નવેમ્બરના રોજ રમાનારી ફાઇનલ માટે ભારત અને ઓસ્ટ્રેલિયાની ટીમ આવી ગઈ છે. બંને ટીમ ખમણ ઢોકળાનો સ્વાદ માણવાની છે. જો કે આ ખમણ અને ઢોકળા કોને ફળશે તેની તો ફાઇનલ પછી જ ખબર પડશે.
ભારત અને ઓસ્ટ્રેલિયાની ક્રિકેટ ટીમ અમદાવાદમાં રિવરફ્રન્ટની મુલાકાત લેશે અને ત્યાં ક્રુઝ રેસ્ટોરામાં જમશે. ઉલ્લેખનીય છે કે તાજેતરમાં જ અમદાવાદમાં ક્રુઝ રેસ્ટોરા લોન્ચ કરવામાં આવી છે. અમદાવાદ રિવરફ્રન્ટનું આ નવલું નજરાણું છે. બંને ટીમોના ખેલાડીઓ અહીં ગુજરાતી નાસ્તો કરવાના છે. તેમા ખમણ અને ઢોકળાનો પણ સમાવેશ કરવામાં આવ્યો છે.
આ અંગે રિવરફ્રન્ટ કોર્પોરેશનને પત્ર લખીને જાણ કરવામાં આવી છે. અધિકારીઓએ આ અંગે જણાવ્યું હતું કે હાલમાં સુરક્ષાથી લઈને બધી સગવડ કરવામાં આવી રહી છે. આ સિવાય બંને ટીમો અટલ ફૂટબ્રિજની પણ મુલાકાત લેવાની છે. કેટલાય જાણીતા આગેવાનો આ ફૂટબ્રિજની મુલાકાત લઈ ચૂક્યા છે. હવે તેમા ભારત અને ઓસ્ટ્રેલિયાની ક્રિકેટ ટીમનો પણ ઉમેરો થયો છે. આ ઉપરાંત બંને ટીમો શહેરના અન્ય જોવાલાયક સ્થળોની મુલાકાત લે પણ તેવી સંભાવના છે. પણ આ કાર્યક્રમ હજી સુધી જાહેરાત કરવામાં આવ્યો નથી.
આ પણ વાંચોઃ Domestic Flight/ તહેવારો એરલાઇન્સને ફળ્યાઃ ઓક્ટોબરમાં 1.26 કરોડે કરી હવાઈ યાત્રા
આ પણ વાંચોઃ Canada/ કેનેડાના PM જસ્ટિન ટુડોનો તેમના જ દેશમાં થઈ રહ્યો છો વિરોધ, રેસ્ટોરન્ટ છોડી ભાગવું પડ્યું
આ પણ વાંચોઃ Deepfake Video Case/ ડીપફેકને પીએમ મોદીએ ગણાવ્યું અરાજકતા પેદા કરનાર, તેમના એક વીડિયોનો કર્યો ઉલ્લેખ
