ભારત માટે ગર્વ: નવાઝુદ્દીન સિદ્દીકીને કોઈ ઓળખની જરૂર નથી. તે શ્રેષ્ઠ કલાકારોમાંના એક છે. તેણે ઘણી યાદગાર ફિલ્મોમાં કામ કર્યું છે. તેમની કારકિર્દીની શરૂઆતમાં તેમણે ફિલ્મોમાં નાની ભૂમિકાઓ ભજવી હતી. આજે તેમની ફિલ્મોને લઈને દર્શકોમાં ખાસ ઉત્સુકતા છે. હવે નવાઝુદ્દીન સિદ્દીકીને સિનેમામાં તેમના યોગદાન માટે સન્માનિત કરવામાં આવ્યા છે. નવાઝુદ્દીન સિદ્દીકીને પ્રતિષ્ઠિત ‘ફ્રેન્ચ રિવેરા ફિલ્મ ફેસ્ટિવલ’માં એમી એવોર્ડ વિજેતા અમેરિકન અભિનેતા વિન્સેન્ટ ડી પોલ દ્વારા એવોર્ડ આપવામાં આવ્યા હતા.
આ એવોર્ડ સિનેમામાં તેમના યોગદાન માટે આપવામાં આવ્યો છે. તે ભારત માટે ગર્વની વાત છે. જો કે, આ પહેલીવાર નથી જ્યારે તેમને આંતરરાષ્ટ્રીય પુરસ્કારથી સન્માનિત કરવામાં આવ્યા હોય, પરંતુ આ પહેલા પણ ઘણી વખત તેમનું સન્માન કરવામાં આવ્યું છે.
નવાઝુદ્દીન ‘કાન્સ ફિલ્મ ફેસ્ટિવલ’માં પણ ચમક્યા
નવાઝુદ્દીન સિદ્દીકીને અગાઉ ‘કાન્સ ફિલ્મ ફેસ્ટિવલ’માં દેશમાંથી એવોર્ડ મેળવવા માટે પસંદ કરવામાં આવ્યા હતા. તે ફિલ્મ ઈન્ડસ્ટ્રીના લોકપ્રિય સ્ટાર્સમાંના એક છે, જેમણે ‘ફ્રેન્ચ રિવેરા ફિલ્મ ફેસ્ટિવલ’માં હાજરી આપી હતી અને દુનિયાભરના કલાકારો સાથે વાતચીત કરતા જોવા મળ્યા હતા.
પ્રખ્યાત સ્ટાર્સ સાથે જોવા મળ્યા નવાઝુદ્દીન
નવાઝુદ્દીન પણ પ્રખ્યાત તુર્કી એક્ટર કેન્સલ એલ્સિનને ગળે લગાવતા જોવા મળ્યા હતા. તે સ્ક્રીન ઈન્ટરનેશનલના એડિટર નિગેલ ડેલી અને એવોર્ડ વિજેતા પોલિશ નિર્દેશક જારોસો માર્ઝેવસ્કી સાથે પણ ચેટ કરતા જોવા મળ્યા હતા.
નવાઝુદ્દીન સિદ્દીકી એવોર્ડ ફંક્શન દરમિયાન નિગેલ ડેલી, જારોસ્લાવ માર્ઝેવસ્કી, વિન્સેન્ટ ડી પોલ, કેન્સલ એલ્સિન જેવા પ્રખ્યાત સ્ટાર્સ સાથે ક્વોલિટી ટાઈમ વિતાવતા જોવા મળ્યા હતા. વર્ક ફ્રન્ટ પર નવાઝુદ્દીન પાસે અત્યારે ઘણી બધી રસપ્રદ ફિલ્મો છે, જેમાં ‘ટીકુ વેડ્સ શેરુ’ અને ‘નૂરાની ચેહરા’ અને ‘અદભૂત’ જેવા પ્રોજેક્ટનો સમાવેશ થાય છે.
આ પણ વાંચો: નવી દિલ્હી/ ઘઉં બાદ હવે ખાંડની નિકાસ પર પ્રતિબંધની તૈયારી, આ છે સરકારની યોજના
આ પણ વાંચો: વિકાસ/ ૧૪ આદિજાતિ જિલ્લાઓના ૧ લાખ ર૩ હજાર આદિવાસી ખેડૂતો માટે કૃષિ વૈવિધ્યકરણ યોજનાનો પ્રારંભ
આ પણ વાંચો: ગુજરાત/ કોંગ્રેસ ધારાસભ્યનો આરોપ, કહ્યું- EVM નહીં, પાર્ટીને હરાવવામાં અમારા કાર્યકરનો જ હાથ છે
