ત્રણ લોકોના હત્યારાએ પોલીસને જોઈ કરી 'આત્મહત્યા'

Not Set/ ત્રણ લોકોના હત્યારાએ પોલીસને જોઈ કરી ‘આત્મહત્યા’

ઉત્તર પ્રદેશના બિજનોર જિલ્લામાં ત્રિપલ મર્ડરના આરોપી અશ્વની ઉર્ફે જોની દાદાએ શુક્રવારે રાત્રે પોલીસના ડરથી આત્મહત્યા કરી લીધી હતી. જે બાદ આરોપીની શોધમાં લાગેલી 21 પોલીસ મથકના પોલીસ દળએ રાહતનો શ્વાસ લીધો હતો. આરોપીને પકડવા માટે રોકાયેલા 21 પોલીસ સ્ટેશનની ભારે સેનાએ રાહતનો શ્વાસ લીધો હતો. એસપી સંજીવના જણાવ્યા અનુસાર પોલીસ ટીમ એક લાખના ઇનામ અશ્વની ઉર્ફે જોનીને પકડવા માટે વાહનોની તપાસ કરી રહી હતી. ત્યારે જોની ત્યાંથી બસમાં બેસીને જઇ રહ્યો હતો. પોલીસે ચેકીંગ દરમિયાન બસ રોકી હતી. બસ ઊભી રહેતા જ ઘણા પોલીસ કર્મચારી બસમાં ચડી ગયા હતા.

એક સથે જોની ઘણા પોલીસ જવાનોને જોઈને ડરી ગયો અને તેણે પોતાને ગોળી મારી દીધી. ગોળી વાગતાં જોનીને જિલ્લા હોસ્પિટલમાં લઈ જવામાં આવ્યો હતો. જ્યાં ડોક્ટરોએ તેને મૃત જાહેર કર્યો હતો. આપને જણાવી દઈએ કે 30 સપ્ટેમ્બરે જોનીએ એકતરફી પ્રેમમાં પડી અને એક યુવતીને જાહેરમાં ગોળી મારીને હત્યા કરી દીધી હતી.

કહેવામાં આવી રહ્યું છે કે 10 વર્ષ પહેલા અશ્વનીએ નિકિતા પર પોતાનો પ્રેમ વ્યક્ત કર્યો હતો. નિકિતાએ તેનો પ્રસ્તાવ નકારી કાઢ્યા પછી, નિકિતા બિજ્નોર છોડીને દુબઈ ગઈ અને એર હોસ્ટેસ તરીકે કામ કરવા લાગી. તાજેતરમાં જ નિકિતા તેના લગ્નના સંબંધમાં બિજનોરના દૌલતાબાદ આવી હતી.

30 સપ્ટેમ્બરની સાંજે નિકિતાની ગોળી મારીને હત્યા કર્યા બાદ આરોપી જંગલમાંથી નાસી છૂટયો હતો. આ પહેલા અશ્વની ઉર્ફે જોનીએ 26 સપ્ટેમ્બરના રોજ નાના નાના વિવાદ પર તેના પડોશમાં રહેતા બે પિતરાઇ ભાઇઓને ગોળી મારી હત્યા કરી હતી. ત્યારબાદથી પોલીસ હત્યારા જોનીની ઝડપી શોધ કરી રહી હતી.