નવી દિલ્હીઃ ભારતીય ક્રિકેટ ટીમની સ્થાનિક મેચોના પ્રસારણ અધિકારો મેળવવા માટે ભારતીય ક્રિકેટ કંટ્રોલ બોર્ડ (BCCI) દ્વારા ઈ-ઓક્શન પ્રક્રિયાનું આયોજન કરવામાં આવ્યું હતું. આમાં, Viacom 19 એ આ વખતે ટીમ ઈન્ડિયાની આંતરરાષ્ટ્રીય સ્થાનિક મેચોના ટીવી અને ડિજિટલ પ્રસારણ અધિકારો મેળવી લીધા છે. આ સાથે હવે આ કરાર ઓસ્ટ્રેલિયા સામેની આગામી હોમ વનડે સીરીઝથી શરૂ થશે. ડિઝની સ્ટાર પણ ટીમ ઈન્ડિયાની મેચોના મીડિયા અધિકારો મેળવવાની રેસમાં હતી, પરંતુ તે સફળ થઈ શકી નહીં.

અગાઉ, ટીમ ઈન્ડિયાની ઘરઆંગણાની મેચોના પ્રસારણના અધિકારો સ્ટાર સ્પોર્ટ્સ નેટવર્ક પાસે હતા, જે છેલ્લા 11 વર્ષથી સતત આ અધિકારો ધરાવે છે. હવે વાયકોમ 18એ તેમને હરાવીને ડિજિટલ તેમજ ટીવીના અધિકારો મેળવી લીધા છે. આ અંગે ક્રિકબઝના રિપોર્ટ અનુસાર, વાયાકોમે એક મેચ માટે 67.8 કરોડ રૂપિયાની બોલી લગાવી છે, જે ગત વખત કરતા 7.8 કરોડ રૂપિયા વધુ છે.

સપ્ટેમ્બર મહિનામાં ઓસ્ટ્રેલિયા વિરૂદ્ધ ઘરઆંગણે રમાનારી વનડે સીરિઝથી શરૂ થનારા આ કરારમાં વાયાકોમ 18ને આગામી 5 વર્ષમાં ટીમ ઈન્ડિયાની 88 આંતરરાષ્ટ્રીય મેચો બતાવવાની તક મળશે. આ કોન્ટ્રાક્ટ માર્ચ 2028માં સમાપ્ત થશે. હવે ટીમ ઈન્ડિયાની હોમ મેચનું લાઈવ સ્ટ્રીમિંગ Jio સિનેમા એપ પર થશે.

વાયકોમ પાસે ભારતમાં આ સ્પોર્ટ્સ ઈવેન્ટ્સનું પ્રસારણ કરવાનો અધિકાર છે. આગામી 5 વર્ષ માટે BCCI પાસેથી મીડિયા અધિકારોના સંપાદન સાથે, Viacom18 પાસે હવે ઘણી વધુ સ્પોર્ટ્સ ઈવેન્ટ્સનું પ્રસારણ કરવાના અધિકારો છે. તેની પાસે IPL, ટીવી અને વિમેન્સ પ્રીમિયર લીગના ડિજિટલ પ્રસારણ અધિકારો, વર્ષ 2024થી ભારતમાં દક્ષિણ આફ્રિકાની ઘરઆંગણાની મેચોના પ્રસારણ અધિકારો, રોડ સેફ્ટી વર્લ્ડ સિરીઝ, દક્ષિણ આફ્રિકા T20, NBA, શ્રેણી Aના પ્રસારણ અધિકારો છે.

આ પણ વાંચોઃ ક્રાઈમ/સુરતના પોલીસકર્મીએ 8 લાખના બદલામાં વેપારી પાસેથી કરોડ રૂપિયા પડાવવા ગોઠવી ગેમ અને અંતે ભેરવાયો

આ પણ વાંચોઃ Salangpur Hanumanji/‘હનુમાનજીને શ્રીરામ સિવાય બીજાને વંદન કરતાં બતાવી કઈ રીતે શકાય’

આ પણ વાંચોઃ દર્દનાક અકસ્માત/સમી-શંખેશ્વર હાઇવે પર અકસ્માત, રક્ષાબંધન પર ત્રણ યુવકોને કાળ ભરખી ગયો

આ પણ વાંચોઃ ભેટ/રક્ષાબંધન પર્વ નિમિત્તે બહેનોને મોટી ભેટ! આ સેવા મળશે ફ્રી

આ પણ વાંચોઃ પોલીસ તંત્રમાં ગંજીપો/અમદાવાદમાં એકસાથે 51 પોલીસ ઇન્સ્પેક્ટરની આંતરિક બદલી, મલિકે મોટા પાયે કર્યો ફેરબદલી આદેશ