International News: અમેરિકાના એરિઝોના રાજ્યના ટક્સનમાં 19 વર્ષીય યુવતી જુલિસા રૂબી સલાઝારના મોતના કેસમાં 20 વર્ષીય ભારતીય નાગરિક વરુણ બટચિગરીની જર્મનીમાં ધરપકડ (Indian Student Arrested) કરવામાં આવી છે. વરુણ પર તેની ગર્લફ્રેન્ડની હત્યા (Arizona Murder Case) કરવાનો ગંભીર આરોપ છે. અમેરિકી અધિકારીઓના જણાવ્યા અનુસાર, જુલિસાનો મૃતદેહ તેના એપાર્ટમેન્ટમાંથી મળી આવ્યો હતો અને તપાસ દરમિયાન વરુણ પર ફર્સ્ટ-ડિગ્રી મર્ડરનો આરોપ લગાવવામાં આવ્યો છે.
Indian Student Arrested: એપાર્ટમેન્ટમાંથી યુવતીનો મૃતદેહ મળ્યો
જુલિસાના પરિવારજનોને તેની ચિંતા થતાં તેમણે પોલીસને વેલફેર ચેક માટે જાણ કરી હતી. ત્યારબાદ ટક્સન પોલીસ ગુરુવારે સાંજે તેના એપાર્ટમેન્ટ પર પહોંચી હતી. ત્યાં જુલિસા બેભાન હાલતમાં મળી આવી હતી અને તેના શરીર પર ઈજાના નિશાન હોવાનું પોલીસ તપાસમાં સામે આવ્યું હતું. બાદમાં તેનું મોત થયું (Julissa Salazar Murder) હોવાનું જાહેર કરવામાં આવ્યું હતું.
ફોન અને ક્રેડિટ કાર્ડ લઈને ભાગ્યો હોવાનો દાવો
તપાસ દરમિયાન પોલીસને વરુણ (Varun Batchigari) જુલિસાનો ફોન અને ક્રેડિટ કાર્ડ લઈને ટક્સનથી નીકળી ગયો હોવાની માહિતી મળી હતી. પોલીસના જણાવ્યા મુજબ, તેણે જુલિસાની માતાને કેટલાક મેસેજ પણ મોકલ્યા હતા. તપાસ આગળ વધતાં વરુણના હલનચલન અંગે પોલીસને મહત્વની માહિતી મળી હતી.
ટક્સનથી હ્યુસ્ટન અને ત્યારબાદ જર્મની પહોંચ્યો
પોલીસના જણાવ્યા અનુસાર, વરુણ ટક્સન ઇન્ટરનેશનલ એરપોર્ટ પહોંચ્યો હતો અને ત્યાંથી હ્યુસ્ટન ગયો હતો. ત્યારબાદ તેણે જર્મનીના બર્લિન જતી ફ્લાઇટ લીધી હતી. અધિકારીઓને આશંકા હતી કે તે જર્મની મારફતે ભારત પરત ફરવાનો પ્રયાસ કરી રહ્યો હતો. આ દરમિયાન તેની સામે ધરપકડ વોરંટ જારી કરવામાં આવ્યું હતું.
જર્મનીમાં પોલીસે કરી ધરપકડ
વરુણનું લોકેશન ટ્રેસ થયા બાદ જર્મની પહોંચ્યા પછી તેને કસ્ટડીમાં લેવામાં આવ્યો હતો. હવે તેને અમેરિકાના એરિઝોના રાજ્યમાં લાવવામાં આવે તેવી શક્યતા છે. ત્યારબાદ તેને પિમા કાઉન્ટી એડલ્ટ ડિટેન્શન સેન્ટરમાં દાખલ કરીને હત્યાના કેસમાં કાયદેસરની કાર્યવાહી કરવામાં આવશે.
સંબંધ તોડવા માંગતી હોવાનો દાવો
તપાસ દરમિયાન વરુણ અને જુલિસાના સંબંધો અંગે પણ કેટલીક મહત્વપૂર્ણ વિગતો સામે આવી છે. મીડિયા રિપોર્ટ્સ અનુસાર, જુલિસા વરુણ સાથેનો સંબંધ સમાપ્ત કરવા માંગતી હતી. અગાઉ બંને વચ્ચે વિવાદ અને દુર્વ્યવહારના આક્ષેપો પણ તપાસ હેઠળ આવ્યા છે.
અગાઉ પણ વિવાદ અંગે તપાસ
રિપોર્ટ્સ અનુસાર, 5 ઓગસ્ટે જુલિસાના રૂમમેટ્સને તેના રૂમમાંથી ઉંચા અવાજમાં બોલાચાલી સંભળાઈ હતી. રૂમમેટ્સે જુલિસાની સુરક્ષા અંગે પૂછપરછ કરી હતી, ત્યારે તેણે પોતે ઠીક હોવાનું જણાવ્યું હતું અને રૂમમાં માત્ર દલીલ થઈ હોવાનું કહ્યું હતું. આ ઉપરાંત એક મહિલાએ તપાસકર્તાઓને વરુણ દ્વારા અગાઉ જુલિસા સાથે યૌન હુમલો કરવામાં આવ્યો હોવાનો દાવો પણ કર્યો હોવાનું સામે આવ્યું છે. આ તમામ બાબતોની તપાસ અધિકારીઓ કરી રહ્યા છે.
યુનિવર્સિટીમાંથી પણ હાંકી કાઢવામાં આવ્યો હતો
વરુણ એરિઝોના યુનિવર્સિટીમાં બિઝનેસ એનાલિટિક્સનો અભ્યાસ કરતો હતો. જોકે, એક વિવાદ બાદ તેને યુનિવર્સિટીમાંથી કાઢી મૂકવામાં આવ્યો હતો. મીડિયા રિપોર્ટ્સમાં તેના પર અગાઉ ઘરેલુ હિંસા સંબંધિત આરોપો હોવાનો પણ ઉલ્લેખ કરવામાં આવ્યો છે.
નોકરી ગુમાવ્યા બાદ આર્થિક મુશ્કેલીનો સામનો
રિપોર્ટ્સ અનુસાર, વરુણે તાજેતરમાં પોતાની નોકરી ગુમાવી હતી. તેના કારણે ભાડું ચૂકવવામાં મુશ્કેલી ઊભી થઈ હતી અને તેના ઇમિગ્રેશન સ્ટેટસને લઈને પણ સમસ્યા સર્જાઈ હતી. હવે જુલિસાના મોતના કેસમાં અમેરિકી અને જર્મન અધિકારીઓની કાર્યવાહી બાદ સમગ્ર ઘટનાની વધુ વિગતો સામે આવવાની શક્યતા છે.
આ પણ વાંચો: એન્જિનિયર પતિ પત્નીની સામે જ પ્રેમિકા સાથે સેક્સ માણતો હતો, બંને મહિલાઓએ સાથે મળીને કરી હત્યા
આ પણ વાંચો: સુરત સિવિલના ડૉ. હર્ષ પંડ્યા કેસમાં મોટો ખુલાસો: 4 સિનિયર રેસિડેન્ટ સસ્પેન્ડ, રેગિંગની તપાસ તેજ
આ પણ વાંચો: અમદાવાદમાં દુષ્કર્મના આરોપીનું પોલીસ પર હુમલો, સ્વબચાવમાં ફાયરિંગ; પગમાં ગોળી વાગી
