નવી દિલ્હીઃ અદાણી (Adani) કોલ ઈમ્પોર્ટ કેસને લઈને આંતરરાષ્ટ્રીય સંસ્થાઓએ CJI DY ચંદ્રચુડને પત્ર લખ્યો છે. પત્રમાં આંતરરાષ્ટ્રીય સંસ્થાઓએ સુપ્રિમ કોર્ટને વિનંતી કરી છે કે ડિરેક્ટોરેટ ઓફ રેવન્યુ ઈન્ટેલિજન્સ દ્વારા દાખલ કરાયેલ અદાણી (Adani) ગ્રુપના પેન્ડિંગ કેસને વહેલી તકે ઉકેલવામાં આવે. આ કિસ્સામાં, ઇન્ડોનેશિયાથી કોલસાની આયાતના ઓવરવેલ્યુએશન માટે અદાણી જૂથની કંપનીઓની તપાસ કરવામાં આવી રહી છે.
CJIને લખેલો આ પત્ર લંડન સ્થિત ફાઈનાન્સિયલ ટાઈમ્સના અહેવાલ બાદ આવ્યો છે. જ્યોર્જ સોરોસ સમર્થિત ઓર્ગેનાઈઝ્ડ ક્રાઈમ એન્ડ કરપ્શન રિપોર્ટિંગ પ્રોજેક્ટ (ઓસીઆરપી)ના દસ્તાવેજોને ટાંકીને અહેવાલમાં આક્ષેપ કરવામાં આવ્યો છે કે અદાણી જૂથે 2013માં લો-ગ્રેડના કોલસાને હાઈ-વેલ્યુ કોલસા તરીકે વેચીને છેતરપિંડી કરી હતી.
સંગઠનોએ જણાવ્યું હતું કે તેઓ અશ્મિભૂત ઇંધણના સતત ઉપયોગ સામે મજબૂતપણે ઊભા છે. ફાઈનાન્સિયલ ટાઈમ્સના અહેવાલમાં અદાણી જૂથ તમિલનાડુના ટાંગેડકો સાથેના તેના વ્યવહારમાં ‘ઓછી ગુણવત્તાનો કોલસો વધુ મોંઘા સ્વચ્છ ઈંધણ તરીકે વેચે છે’ના તાજા અને વિગતવાર પુરાવા પ્રદાન કરે છે.
21 આંતરરાષ્ટ્રીય સંસ્થાઓએ CJI ચંદ્રચુડને પત્ર લખ્યો છે તેમાં ઓસ્ટ્રેલિયન સેન્ટર ફોર ઈન્ટરનેશનલ જસ્ટિસ, બેન્કટ્રેક, બોબ બ્રાઉન ફાઉન્ડેશન, કલ્ચર અનસ્ટુડ, ઈકો, એક્સટીંક્શન રિબેલિયન, ફ્રેન્ડ્સ ઓફ ધ અર્થ ઓસ્ટ્રેલિયા, લંડન માઈનિંગ નેટવર્ક, મેકે કન્ઝર્વેશન ગ્રુપ, માર્કેટ ફોર્સિસ, મની રિબેલિયન, મૂવ બિયોન્ડ કોલ, સિનિયર્સ ફોર ક્લાઈમેટ એક્શન નાઉ, સ્ટેન્ડ.અર્થ, સ્ટોપ અદાણી, સનરાઈઝ મૂવમેન્ટ, ટીપીંગ પોઈન્ટ, ટોક્સિક બોન્ડ્સ, ટ્રાન્સપરન્સી ઈન્ટરનેશનલ ઓસ્ટ્રેલિયા, ડબ્લ્યુ એન્ડ જે નાગાના યારબાયન કલ્ચરલ કસ્ટોડિયન્સ અને ક્વીન્સલેન્ડ કન્ઝર્વેશન કાઉન્સિલ.
અદાણી ગ્રુપે તમામ આરોપોને નકારી કાઢ્યા છે. કોંગ્રેસના નેતા રાહુલ ગાંધી સહિતના વિપક્ષી નેતાઓએ કથિત મામલાની સંયુક્ત સંસદીય સમિતિની તપાસની માંગ કરી છે. જૂથના પ્રવક્તાએ જણાવ્યું હતું કે કોલસાની ગુણવત્તાની સ્વતંત્ર રીતે લોડિંગ અને ડિસ્ચાર્જના સમયે તેમજ કસ્ટમ અધિકારીઓ અને તમિલનાડુ જનરેશન એન્ડ ડિસ્ટ્રિબ્યુશન કંપની (TANGEDCO)ના અધિકારીઓ દ્વારા પરીક્ષણ કરવામાં આવ્યું હતું.
પ્રવક્તાએ જણાવ્યું હતું કે, “બહુવિધ એજન્સીઓ દ્વારા બહુવિધ પોઈન્ટ્સ પર આટલી વિગતવાર ગુણવત્તા ચકાસણી પ્રક્રિયામાંથી પસાર થયા પછી, સ્પષ્ટપણે હલકી ગુણવત્તાવાળા કોલસાના સપ્લાયનો આરોપ માત્ર પાયાવિહોણો અને ગેરવાજબી જ નથી પરંતુ સંપૂર્ણપણે વાહિયાત પણ છે.” “ચુકવણીનો આધાર પૂરા પાડવામાં આવેલ કોલસાની ગુણવત્તા પર છે, જે પરીક્ષણ પ્રક્રિયા દ્વારા નક્કી કરવામાં આવે છે,” એમ તેમણે જણાવ્યું હતું.
આ પણ વાંચો: વિશ્વના અમીર લોકોની યાદીમાં ગૌતમ અદાણી 13માં સ્થાન પર, અદાણીના શેરોમાં જબરજસ્ત ઉછાળો
આ પણ વાંચો: AI બધી નોકરીઓ ખતમ કરી દેશે, લોકો શોખ માટે કરશે નોકરી: એલોન મસ્ક
આ પણ વાંચો: લિસ્ટેડ કંપનીઓમાં વિદેશી રોકાણકારોનો હિસ્સો 12 વર્ષમાં ઘટવા છતાં શેરબજારમાં ‘ચાંદી…જ…ચાંદી…’
