બ્રિટનમાં આજ કાલ કોઈ વાતને લઇ ભારે ચર્ચાઓ થઇ રહી હોય તો તે રોયલ વેડિંગની છે. શનિવારનો દિવસ સમગ્ર ઈંગ્લેંડ માટે ખાસ ગણવામાં આવી રહ્યો છે કારણ કે આ દિવસે પ્રિન્સ હૈરી અમેરિકી અભિનેત્રી મેગન માર્કેલ સાથે લગ્ન કરી રહ્યા છે. શનિવારે યોજાયેલા એક ખાસ કાર્યક્રમમાં આ રોયલ જોડી એક બીજાના થયા છે.
એકબાજુ જ્યાં આ રોયલ વેડિંગની દુનિયાભરના લોકોની નજર ટકેલી છે ત્યારે બીજી બાજુ આ વેડિંગ માટે કરવામાં આવેલા ખર્ચની ચર્ચાઓ થઇ રહી છે. કારણ કે આ લગ્નમાં કરવામાં આવેલા ખર્ચનો અંદાજ પણ શાહી હતો.
પ્રાપ્ત માહિતી મુજબ, પ્રિન્સ હૈરી અને અમેરિકી અભિનેત્રી મેગન માર્કેલના લગ્નમાં ૨૯૩ કરોડ રૂપિયાથી પણ વધુ ખર્ચ કરવામાં આવ્યો છે.
જુઓ, આ રોયલ વેડિંગમાં કઈ કઈ જગ્યાએ કરવામાં આવ્યો વધુ ખર્ચ :
આ રોયલ વેડિંગમાં શામેલ થઇ રહેલા ૬૦૦ મહેમાનો માટે હલકું જમવાનું અને ખાસ મીઠાઈનું આયોજન કરવામાં આવ્યું છે. સાથે સાથે લેમન ફ્લેવરવાડી એક શાનદાર કેક પણ બનાવવામાં આવી છે.
આ ઉપરાંત આ ખાસ કાર્યક્રમમાં ઉપસ્થિત મહેમાનો માટે લંચ અને ડીનરની પણ વ્યવસ્થા કરાઈ રહી છે જયારે ૨૬૪૦ મહેમાનોને ચા-નાસ્તો પણ કરવામાં આવશે તેમજ શૈમ્પેન અને વ્હિસ્કીની પણ વ્યવસ્થા છે.
આ લગ્ન માટે સેન્ટ જ્યોર્જ ચેપલ અને વિન્ડસર કેસલની પસંદગી કરવામાં આવી છે.
જયારે રિસેપ્શન માટે અલગથી વ્યવસ્થા કરાઈ છે. આ માટે એક ગ્લાસની ખાસ જગ્યા તૈયાર કરવામાં આવશે, જેને બનાવવા માટે અંદાજે ૩ કરોડ રૂપિયા જેટલો ખર્ચ થશે.
અમેરિકી અભિનેત્રી અને પ્રિન્સ હૈરીની પત્ની બનવા જઈ રહેલી માર્કેલ માટે લંડનના એક ડિઝાઈનર દ્વારા એક ખાસ ડ્રેસ તૈયાર કરાયો છે, પરંતુ હજી સુધી એ વાત સામે આવી નથી કે આ ખાસ દિવસ પર તેઓ શું પહેરશે.
પ્રિન્સ હૈરી અને માર્કેલની શાહી લગ્ન માટે સજાવટનો પણ ખાસ આયોજન કરાયું છે. આ રોયલ વેડિંગ માટે માત્ર ૮૮ લાખ રૂપિયા માત્ર ફૂલો માટે ખર્ચ કરવામાં આવશે.
બીજી બાજુ આ રોયલ વેડિંગની સુરક્ષા માટે પણ ખાસ ધ્યાન આપવામાં આવ્યું છે. લગ્નના સ્થળની આજુબાજુ સુરક્ષાનો પુખ્તો બંધોબસ્ત કરવામાં આવ્યો છે. જાણકરી મુજબ, આ લગ્નની સુરક્ષા પર અંદાજે ૨૭૦ કરોડથી પણ વધુ ખર્ચ કરવામાં આવશે.
બીજી બાજુ આ રોયલ વેડિંગ પર થઇ રહેલા ખર્ચ અંગે બ્રિટનમાં વિરોધ પ્રદર્શન પણ જોવા મળી રહ્યું છે અને કહેવામાં આવી રહ્યું છે કે, કરદાતાઓના પૈસા આ રીતે બર્બાદ કરવામાં આવી રહ્યો છે.
