હવે પોઈન્ટ ટેબલમાં ટીમના ફેન્સની રુચિ વધી રહી છે કારણ કે આ વખતે મેચ 8 નહીં પરંતુ 10 ટીમો વચ્ચે છે. બુધવારે RCBએ ચેન્નાઈને હરાવીને ટોપ 4માં જગ્યા બનાવી લીધી છે. ઈન્ડિયન પ્રીમિયર લીગની 15મી સિઝનમાં લગભગ તમામ ટીમો 9 કે તેથી વધુ મેચ રમી ચૂકી છે. 10 ટીમો વચ્ચે ટ્રોફી મેળવવાની લડાઈ હવે ધીમે ધીમે વધુ રોમાંચક બની રહી છે. હવે ટોપ ફોરનું ચિત્ર થોડું સ્પષ્ટ થતું જણાય છે. સતત 8 હાર બાદ આખરે મુંબઈની જીતનું ખાતું પણ ખુલ્યું હતું. ગુજરાત, લખનૌ અને રાજસ્થાનની ટીમો ટોપ 4માં યથાવત છે.
સતત બે હાર છતાં ગુજરાતની ટીમ ટોપ પર છે. 10 મેચમાંથી 8 જીત સાથે, ટીમના 16 પોઈન્ટ છે અને તેણે લગભગ પ્લેઓફમાં જગ્યા બનાવી લીધી છે. બીજી નવી ટીમ લખનૌ બીજા નંબરે છે. ટીમ 10 મેચમાં 7 જીત સાથે 14 પોઈન્ટ સાથે બીજા નંબર પર છે. રાજસ્થાનની ટીમના 10 મેચ બાદ 6 જીતથી 12 પોઈન્ટ છે અને ટીમ ત્રીજા નંબર પર છે. RCBએ ચેન્નાઈને હરાવીને ટોપ ફોરમાં જગ્યા બનાવી લીધી છે. ટીમ હવે 12 પોઈન્ટ સાથે ચોથા નંબર પર છે. RCBની આ જીત બાદ હૈદરાબાદની ટીમ 5માં નંબરે સરકી ગઈ છે.
9 મેચ બાદ હૈદરાબાદની ટીમે 5 જીત નોંધાવી છે અને તે 5માં સ્થાને છે. પંજાબ કિંગ્સની ટીમ છઠ્ઠા નંબર પર છે. 10 મેચમાંથી 5 જીત સાથે, ટીમ હજુ પણ પ્લેઓફની રેસમાં છે.
દિલ્હીની ટીમ 7મા નંબર પર છે. ટીમના 8 પોઈન્ટ છે અને તે પ્લેઓફની રેસમાં પણ છે. કોલકાતાની ટીમ 8મા નંબર પર છે. સતત 5 હાર સહન કર્યા બાદ કોલકાતા છેલ્લી મેચ જીતીને 8 પોઈન્ટ સાથે 8મા નંબરે છે. 9મું સ્થાન ચેન્નાઈ પાસે છે, જેને બુધવારે આરસીબીના હાથે હારનો સામનો કરવો પડ્યો છે. 9મી મેચમાં પ્રથમ જીત મેળવનાર મુંબઈની ટીમ છેલ્લા સ્થાને છે.
રાજકીય/ નરેશ પટેલ મળ્યા સીઆર પાટીલને, શું ભાજપમાં જોડાશે ?
