ઈન્ડિયન પ્રીમિયર લીગ (IPL)ની 15મી સિઝન પહેલા જ ગુજરાત ટાઈટન્સને મોટો ઝટકો લાગ્યો છે. ગુજરાત ટાઇટન્સના ઓપનર જેસન રોયે પરિવાર સાથે સમય પસાર કરવા માટે IPLની આ સિઝનમાંથી પોતાનું નામ પાછું ખેંચવાનો નિર્ણય લીધો છે. જે બાદ ગુજરાત ટાઇટન્સ રિપ્લેસમેન્ટ તરીકે નવા ખેલાડીની શોધમાં છે. જેસન રોયે પોતાનું નામ પાછું ખેંચી લીધા બાદ ગુજરાત ટાઇટન્સના ચાહકો સુરેશ રૈનાને ટીમમાં સામેલ કરવાની અપીલ કરી રહ્યા છે. ગયા મહિને યોજાયેલી મેગા ઓક્શનમાં સુરેશ રૈના વેચાયા વગરના રહ્યા હતા.
ચાહકો સુરેશ રૈનાની વકીલાત કરે છે
ગુજરાત ટાઇટન્સના ચાહકોએ સોશિયલ મીડિયા પર સુરેશ રૈનાને રિપ્લેસમેન્ટ પ્લેયર તરીકે સામેલ કરવાની માંગ કરી છે. ગુજરાત અને સુરેશ રૈનાના ચાહકોને લાગે છે કે આ સિઝનમાં જેસન રોયની જગ્યાએ રૈના ગુજરાત માટે શાનદાર બેટિંગ કરી શકે છે. ઘણા ચાહકો સુરેશ રૈનાની રમત વિશે ટ્વિટર પર માંગ કરી રહ્યા છે કે રૈના આ ફોર્મેટના મહાન ખેલાડીઓમાંથી એક છે અને તેને તક આપવી જોઈએ.
નિયમો શું છે?
મેગા ઓક્શનમાં ઈંગ્લેન્ડના ઓપનર જેસન રોય અને સુરેશ રૈના સમાન બેઝ પ્રાઈઝ પર હતા, જેસન રોયને તેની બેઝ પ્રાઈસ બિડ પર ગુજરાતે ખરીદ્યો હતો, પરંતુ સુરેશ રૈના વેચાયા વગરના રહ્યા હતા. હવે જો કોઈ ખેલાડી આ બેઝ પ્રાઈસ બ્રેકેટમાં લીગની બહાર છે તો સુરેશ રૈના પાસે લીગમાં પરત ફરવાની તક છે. આઈપીએલના નિયમો અનુસાર, ટીમો માત્ર એક જ બેઝ પ્રાઈસ બ્રેકેટમાં ન વેચાયેલા ખેલાડી (સમાન બેઝ પ્રાઈસ બ્રેકેટ)ને રિપ્લેસમેન્ટ તરીકે સામેલ કરી શકે છે અને જેસન રોય અને સુરેશ રૈના સમાન બેઝ પ્રાઈસ બ્રેકેટમાં હતા.
જોકે, ગુજરાત કોઈ વિદેશી ખેલાડીને સામેલ કરવા માંગે છે કે પછી સુરેશ રૈના પર દાવ લગાવે છે, તે જોવાનું રહેશે. સુરેશ રૈનાએ IPLમાં ચેન્નાઈ સુપર કિંગ્સ અને ગુજરાત લાયન્સ માટે ભાગ લીધો છે. રૈનાને મિસ્ટર આઈપીએલ તરીકે ઓળખવામાં આવે છે અને તેણે લીગમાં 205 મેચ રમી છે, જેમાં તેણે 32ની સરેરાશથી 5528 રન બનાવ્યા છે. રૈના અનસોલ્ડ હોવાથી બધાને આશ્ચર્ય થયું હતું.
LIC IPO/ માર્ચમાં LICનો IPO નહીં આવે? સરકારની મોટી બેઠક થવા જઈ રહી છે
Business/ દેશમાં મેડિકલ કોલેજનો અભાવ, આનંદ મહિન્દ્રાએ ટ્વિટ કરીને કહ્યું, –
