IPL 2023નું સંપૂર્ણ શિડ્યુલ સામે આવી ગયું છે. આજે એટલે કે 17 ફેબ્રુઆરી શુક્રવારના રોજ સવારે સમાચાર આવ્યા કે IPLનું શેડ્યૂલ આવવાનું છે, તેના માટે તમામ ક્રિકેટ ચાહકોની નજર તેના પર હતી. આ પછી, બ્રોડકાસ્ટર દ્વારા એવી પણ જાહેરાત કરવામાં આવી હતી કે તેઓ IPL શેડ્યૂલનું લાઇવ પ્રસારણ કરશે. હવે સંપૂર્ણ શિડ્યુલ પરથી પડદો હટાવી દેવામાં આવ્યો છે. IPLની પ્રથમ મેચ 31 માર્ચે રમાશે. ભારત અને ઓસ્ટ્રેલિયા વચ્ચે વનડે સીરીઝની છેલ્લી મેચ 22 માર્ચે રમાશે, એટલે કે ટીમ ઈન્ડિયાના ખેલાડીઓ અને IPL રમી રહેલા ઓસ્ટ્રેલિયાના ખેલાડીઓને લગભગ આઠ દિવસનો બ્રેક મળશે અને તે પછી IPL શરૂ થશે. બીસીસીઆઈએ સ્પષ્ટ કર્યું છે કે પ્રથમ મેચ ગુજરાત ટાઇટન્સ એટલે કે હાર્દિક પંડ્યાની ટીમ અને એમએસ ધોનીની કપ્તાનીવાળી CSK વચ્ચે રમાશે. આ મેચ અમદાવાદમાં રમાશે.
વિશ્વની સૌથી મોટી ક્રિકેટ લીગ ગણાતી IPL ની આ 16મી સિઝન હશે. અગાઉ જ્યારે IPL 2022 રમાઈ હતી, ત્યારે મેચ સંજુ સેમસનની આગેવાની હેઠળની રાજસ્થાન રોયલ્સ અને હાર્દિક પંડ્યાની આગેવાની હેઠળની ગુજરાત ટાઇટન્સ વચ્ચે રમાઈ હતી. જેમાં ગુજરાત ટાઇટન્સે ફાઇનલ જીતીને પ્રથમ વખત ટ્રોફી કબજે કરી હતી. IPL 2022માં બે નવી ટીમોનો પ્રવેશ થયો છે. જેમના નામ ગુજરાત ટાઇટન્સ અને લખનઉ જાયન્ટ્સ છે. લખનઉ સુપર જાયન્ટ્સની ટીમ પણ પ્લેઓફ સુધી ગઈ હતી, પરંતુ તે પછી આગળ વધી શકી નહોતી, પરંતુ ગુજરાતની ટીમે ટાઈટલ જીત્યું હતું. આ વખતે પણ IPLમાં દસ ટીમો ભાગ લઈ રહી છે. બીસીસીઆઈએ પહેલા જ સ્પષ્ટ કરી દીધું હતું કે આ વખતે IPL જૂના ફોર્મેટ પર થશે એટલે કે દરેક ટીમ પોતાના ઘરે એક મેચ રમશે અને બીજી મેચ વિરોધી ટીમના ઘરે જ જવી પડશે.
IPLના લાઈવ ટેલિકાસ્ટની વાત કરીએ તો આ વખતે ડિજિટલ અને ટીવી રાઈટ્સ અલગ-અલગ આપવામાં આવ્યા છે. IPL ના ઈતિહાસમાં આવું પહેલીવાર બન્યું છે. તમે મોબાઈલ પર એટલે કે Jio સિનેમા પર ડિજિટલ પ્લેટફોર્મ પર IPL નું લાઈવ ટેલિકાસ્ટ જોઈ શકશો, કારણ કે તેના અધિકારો Viacom18ને આપવામાં આવ્યા છે. બીજી બાજુ, જો તમે ટીવી પર મેચની મજા માણવા માંગતા હો, તો તમે તેને સ્ટાર સ્પોર્ટ્સ પર જોઈ શકો છો, જ્યાં તમે તેને છેલ્લા પાંચ વર્ષથી જોઈ રહ્યા હતા. દરમિયાન, આઈપીએલ શરૂ થવામાં હવે દોઢ મહિનાથી પણ ઓછો સમય બાકી છે. તેથી જ ટૂંક સમયમાં ક્રિકેટ ચાહકો તેના પર આકર્ષિત થવાના છે.
આ પણ વાંચો: IPL 2023માં થઈ શકે છે મોટો ફેરફાર, આ છે BCCIનું પ્લાનિંગ!
આ પણ વાંચો:જાણો કોણ છે શિવ સુંદર દાસ, જે બની શકે છે ટીમ ઈન્ડિયાના નવા ચીફ સિલેક્ટર
આ પણ વાંચો:ગુજરાતની ટીમે જે ખેલાડીને 2 કરોડમાં ખરીદી, જેને કર્યું એવું કામ કે તે જાણીને…
આ પણ વાંચો:ચેતન શર્માએ BCCI ના ચીફ સિલેક્ટર પદેથી આપ્યું રાજીનામું, જય શાહે કર્યો સ્વીકાર
