આકાશમાં ચાલતી ગતિવિધિ વચ્ચે વૈજ્ઞાનિકોએ ચેતવણી જારી કરી છે. પૃથ્વી પર મહાવિનાશ લાવવા માટે સક્ષમ એસ્ટરોઇડ એપોફિસ પૃથ્વી તરફ ખૂબ ઝડપથી આગળ વધી રહ્યું છે. અમેરિકન વૈજ્ઞાનિકોએ ચેતવણી આપી છે કે વિનાશનો દેવતા પૃથ્વી પર ટકરાશે, જેના કારણે પૃથ્વી પર મહાપ્રલય આવી શકે છે.
એક વિનાશક એસ્ટરોઇડ અંતરિક્ષમાં ઝડપથી ગતિ પ્રાપ્ત કરી રહ્યું છે. તેની પૃથ્વી સાથે ટક્કર થઇ શકે છે. આ એસ્ટરોઇડનું નામ અમેરિકન વૈજ્ઞાનિકોએ એપોફિસ અથવા વિનાશનાં દેવતા રાખ્યું છે. જો એપોફિસ પૃથ્વી પર ટકરાશે, તો તે 88 કરોડ ટનનાં વિસ્ફોટ બરાબર અસર કરશે. આ એસ્ટરોઇડ લગભગ 1000 ફુટ પહોળો છે અને પૃથ્વી તરફ ખૂબ ઝડપથી આગળ વધી રહ્યો છે. અમેરિકન એસ્ટ્રોનોમિકલ સોસાયટીએ અહેવાલ આપ્યો છે કે યુનિવર્સિટી ઓફ હવાઈનાં ખગોળશાસ્ત્રી ડેવિડ થોલેને કહ્યું હતું કે, સુબારુ ટેલિસ્કોપ્સનાં ડેટાનાં આધારે બહાર આવ્યો છે. અહેવાલમાં જણાવાયું છે કે, એપોફિસ ખૂબ ઝડપથી વેગ પકડી રહેલ છે. તેમણે કહ્યું કે, ડેટા દર્શાવે છે કે વર્ષ 2068 માં આ એસ્ટરોઇડની પૃથ્વી સાથે ટક્કર થઇ શકે છે.
એપોફિસનું નામ યૂનાનનાં વિનાશનાં દેવતા પર રાખવામાં આવ્યું છે. તે પૃથ્વી પર ટકરાશે કે નહીં તેનો ચોક્કસ ખબર વર્ષ 2029 માં જાણી શકાશે. 2029 માં એસ્ટરોઇડ પૃથ્વીની ખૂબ નજીકથી નિકળશે. આ સમય દરમિયાન કોઈ પણ ટેલિસ્કોપ વિના એસ્ટરોઇડ જોઇ શકાશે. એપોફિસ ફ્રાન્સનાં એફિલ ટાવર કરતા કદમાં મોટું છે. તેમણે કહ્યું કે જો એપોફિસ વર્ષ 2029 માં પૃથ્વીથી સુરક્ષિત અંતરમાંથી પસાર થાય છે, તો પૃથ્વીની ગુરુત્વાકર્ષણ શક્તિ તેના માર્ગને બદલી શકશે. તે વર્ષ 2068 માં પરત આવશે અને પૃથ્વી સાથે અથડાશે. વૈજ્ઞાનિકોનું માનવું છે કે 12 એપ્રિલ 2068 નાં રોજ એસ્ટરોઇડની પૃથ્વી પર ટક્કર થઇ શકે છે. 19 જૂન, 2004 નાં રોજ એરીઝોના વેધશાળા દ્વારા એપોફિસ એસ્ટરોઇડ્સની શોધ થઈ હતી.
સંશોધનકારોએ આ વર્ષે સુબારુ ટેલિસ્કોપ દ્વારા એપોફિસ શોધી કાઠ્યું છે. એસ્ટરોઇડ સૂર્યપ્રકાશમાં ગરમ થઇ રહ્યો છે. નાસાએ આ એસ્ટરોઇડને ત્રીજો સૌથી મોટો ખતરો ગણાવ્યો છે. તેઓ કહે છે કે આગામી 48 વર્ષોમાં પૃથ્વી પર તેની ટક્કરની સંભાવના છે. એપોફિસ એસ્ટરોઇડ્સ નિકલ અને આયર્નથી બનેલ છે, અને રેડોર ઇમેજ બતાવે છે કે તે સતત લાંબું થઈ રહ્યું છે. તેનો આકાર હવે મગફળી જેવો થઈ રહ્યો છે. જો કે આ એસ્ટરોઇડની ટક્કરની સંભાવનાઓ માત્ર 2.7 ટકા છે. જો કે, આ નવી આશંકાને કારણે વૈજ્ઞાનિકોની ચિંતામાં વધારો થયો છે.