Jamnagar Crime News: જામનગરના નંદનવન સોસાયટી વિસ્તારમાં જમીનના વિવાદ (Jamnagar Property Dispute)ને લઈને મારામારી અને જાનથી મારી નાખવાની ધમકી આપ્યાની ફરિયાદ નોંધાઈ છે. 600 ચોરસ ફૂટ જમીનના બદલામાં બે રૂમ આપવાની મૌખિક સમજૂતીનું પાલન ન થતાં વિવાદ થયો હોવાનું ફરિયાદમાં જણાવાયું છે. આ દરમિયાન એક વ્યક્તિ પર મરચાની ચટણી ફેંકી મારામારી કરવામાં આવી હોવાનો આક્ષેપ છે. ઘટનાના થોડા સમય બાદ જમીન આપનાર યોગેશભાઈ મકવાણાએ ફિનાઈલ પી લેતાં તેમને સારવાર માટે જી.જી. હોસ્પિટલ ખસેડવામાં આવ્યા હતા.

Jamnagar Property Dispute: 600 ચોરસ ફૂટ જમીનના બદલામાં બે રૂમ આપવાની સમજૂતી

ફરિયાદ મુજબ, નંદનવન સોસાયટી (Nandanvan Society Jamnagar), શેરી નંબર-3 સામે રહેતા અને રિક્ષા ચલાવતા યોગેશભાઈ મકવાણાના પરિવારને વર્ષો પહેલાં વારસામાં જમીન મળી હતી. આ જમીનમાંથી 600 ચોરસ ફૂટ જમીન તેમના કાકાના દીકરા કમલભાઈ મનોજભાઈ મકવાણાને આપવામાં આવી હતી. તેના બદલામાં બે રૂમ આપવાની મૌખિક સમજૂતી થઈ હતી.

જોકે, જમીન આપ્યા બાદ વારંવાર રજૂઆત કરવા છતાં રૂમ ન મળતાં બંને વચ્ચે વિવાદ ચાલી રહ્યો હતો.

મરચાની ચટણી ફેંકી મારામારી અને ધમકી આપ્યાનો આક્ષેપ

ફરિયાદમાં જણાવ્યા મુજબ, ગત રવિવારે સાંજે યોગેશભાઈ આ મુદ્દે વાત કરવા કમલભાઈના ઘરે ગયા હતા. તે સમયે કમલભાઈએ તેમના પર મરચાની ચટણી ફેંકી હોવાનો આક્ષેપ છે. ત્યારબાદ કમલભાઈનાં માતા કાંતાબેને પણ ચટણી ફેંકી ગાળો આપી ઝપાઝપી કરી હોવાની ફરિયાદ નોંધાઈ છે.

ફરિયાદ મુજબ, આ દરમિયાન યોગેશભાઈને શરીરે મૂંઢ ઈજાઓ થઈ હતી અને કપાળ પર નખ વાગવાથી ઈજા પહોંચી હતી. આ ઉપરાંત, મકાન ખાલી નહીં કરવા દેવા અને ફરી આ મુદ્દે આવવા પર જાનથી મારી નાખવાની ધમકી આપવામાં આવી હોવાનો પણ આક્ષેપ (Gujarat Police News) છે.

ફિનાઈલ પીધા બાદ હોસ્પિટલમાં સારવાર

બનાવ બાદ પરિવારજનો આવી પહોંચતાં યોગેશભાઈ ઘરે જતા રહ્યા હતા. ત્યારબાદ તેઓ કમલભાઈના ઘર પાસે પહોંચ્યા હતા, જ્યાં તેમણે ફિનાઈલ પી લીધું હતું. આ પછી તેમને સારવાર માટે જી.જી. હોસ્પિટલ લઈ જવામાં આવ્યા હતા.

આ બનાવ અંગે કમલભાઈ મકવાણા અને તેમનાં માતા કાંતાબેન સામે મારામારી તથા ધમકી સહિતના આક્ષેપો સાથે પોલીસ કાર્યવાહી હાથ ધરવામાં આવી (Gujarat Crime News) છે. પોલીસે સમગ્ર મામલે તપાસ શરૂ કરી છે.

આ પણ વાંચો: સિંધિયા પરિવારની મિલકતનો વિવાદ ફરી ચર્ચામાં

આ પણ વાંચો: ચંદ્રચૂડ સિંહના પરિવારની પુશ્તૈની મિલકતમાં વિવાદ, બનાવટી વસીયતના આરોપમાં 7 લોકો સામે FIR

આ પણ વાંચો: પ્રેમલગ્નની અદાવત કે મિલકતનો વિવાદ? રક્ષાબંધને બહેનનું અપહરણ કરનાર ભાઈનો પર્દાફાશ