EDએ ઝારખંડના સીએમ હેમંત સોરેનને સમન્સ પાઠવ્યું છે,પરતું મુખ્યમંત્રી હેમંત સોરેન ગુરુવારે EDની પ્રાદેશિક કચેરીમાં પૂછપરછ માટે હાજર થશે નહીં. તેઓ ગુરુવારે રાયપુરમાં આયોજિત આદિવાસી નૃત્ય મહોત્સવમાં મુખ્ય અતિથિ તરીકે હાજરી આપવા જશે. સમગ્ર ઘટનાને ભાજપનું ષડયંત્ર ગણાવીને આ ષડયંત્રના કારણે જે સંજોગો ઉભા થયા છે તેની સામે મક્કમતાથી લડીશું તેવો નિર્ધાર કર્યો હતો. બેઠકમાં રાજ્ય સરકારને અસ્થિર કરવાના ષડયંત્રનો પર્દાફાશ કરવાનો પણ નિર્ણય લેવામાં આવ્યો હતો અને સરકારને અસ્થિર કરવામાં વ્યસ્ત રાજ્યપાલ અને કેન્દ્રીય એજન્સીઓના દુરુપયોગ સામે તબક્કાવાર આંદોલન ચલાવવામાં આવશે તેવો નિર્ણય લેવાયો હતો. બેઠક બાદ પ્રદેશ કોંગ્રેસ અધ્યક્ષ રાજેશ ઠાકુરે કહ્યું કે મુખ્યમંત્રીનો રાયપુર જવાનો કાર્યક્રમ પહેલાથી જ નક્કી છે અને તેઓ ત્યાં જશે. જ્યાં સુધી EDના સમન્સનો સંબંધ છે, ત્યાં સુધી આ સંદર્ભમાં મુખ્યમંત્રી તરફથી વાતચીત કરવામાં આવશે.
મુખ્યમંત્રીના નિવાસસ્થાને મળેલી બેઠકમાં નિર્ણય લેવામાં આવ્યો હતો કે 5 નવેમ્બરથી રાજ્યપાલ રમેશ બૈસ અને સરકારને અસ્થિર કરવામાં વ્યસ્ત કેન્દ્રીય એજન્સીઓ વિરુદ્ધ લોકશાહી આંદોલન શરૂ કરવામાં આવશે. સત્તાધારી ગઠબંધનના તમામ પક્ષો આ આંદોલનમાં ભાગ લેશે અને આ આંદોલન દરેક જિલ્લા મુખ્યાલયોમાં કરવામાં આવશે.
બેઠક પૂરી થયા બાદ રાજ્યના આરોગ્ય મંત્રી બન્ના ગુપ્તાએ કહ્યું કે સત્તાધારી ગઠબંધનના કાર્યકર્તાઓ રસ્તા પર ઉતરી આવશે અને રાજ્યપાલના ષડયંત્રનો પર્દાફાશ કરશે. તેમણે કહ્યું કે જો ભાજપ હુમલો કરવા માંગે છે તો તેણે સીધો હુમલો કરવો જોઈએ. જો રાજ્યપાલનો ઈરાદો સરકારને બરખાસ્ત કરવાનો હોય તો સીધા પગલાં લો. ભાજપના નેતાઓ પીઠમાં છરો ભોંકવા માંગે છે. આ બેઠકમાં પ્રદેશ કોંગ્રેસ અધ્યક્ષ રાજેશ ઠાકુર અને કોંગ્રેસ વિધાયક દળના નેતા આલમગીર આલમ, રાજ્ય સરકારના મંત્રી જગરનાથ મહતો ઉપરાંત તમામ મંત્રીઓ અને ધારાસભ્યો હાજર રહ્યા હતા.
