ઝારખંડ વિકાસ મોરચા (જેવીએમ) અને ભારતીય જનતા પાર્ટી (બીજેપી) મર્જ થઈ ગયા છે. જવિમોના વડા બાબુલાલ મરાંડી ભાજપના પૂર્વ અધ્યક્ષ અમિત શાહની હાજરીમાં ભાજપમાં જોડાયા હતા. અમિત શાહે બાબુલાલ મરાંડીને ફૂલહાર પહેરાવી પાર્ટીમાં તેમનું સ્વાગત કર્યું હતું. મરાંડીની સાથે જ ઝાવીમોના અનેક અધિકારીઓ પણ ભાજપમાં જોડાયા હતા.
એવું માનવામાં આવે છે કે ભાજપનું કેન્દ્રીય નેતૃત્વ બાબુલાલ મરાંડીને જેવીએમ, ભાજપમાં ભળી ગયા બાદ વિધાનસભામાં વિપક્ષી નેતા બનાવી શકે છે. બાબુલાલ મરાંડી 14 વર્ષ બાદ ભાજપમાં પાછા ફર્યા છે. 2006 માં તેઓ ભાજપથી છૂટા પડ્યા અને નવી પાર્ટીની રચના કરી. જો કે, તેમની પાર્ટીનું પ્રદર્શન સારુ ન હતું અને સતત ગગડતું રહ્યું. 2009, 2014 અને 2019 માં ઝારખંડ વિધાનસભાની ચૂંટણીમાં પાર્ટીએ માત્ર 11, 8 અને 3 બેઠકો જીતી હતી.
બાબુલાલ મરાંડી ઝારખંડના પહેલા મુખ્યમંત્રી હતા
આપને જણાવી દઇએ કે, લગભગ 14 વર્ષ બાદ મરાંડી સોમવારે ભાજપમાં પાછા ફર્યા હતા. બાબુલાલની ઘર વાપસી બાદ ઝારખંડમાં ભાજપના રાજકારણમાં સંપૂર્ણ પરિવર્તન આવી શકે છે. રાજ્યમાં આદિવાસી ચહેરો શોધી રહેલા ભાજપને ફરી એકવાર બાબુલાલ મરાંડીના રૂપમાં એક નેતા મળી ગયો છે, જે મૂળથી સંઘ સાથે જોડાયેલા છે. જે ઝારખંડના રાજકારણનું જાણીતું પણ નામ છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
