કોંગ્રેસનો ગઢ ગણાતી ઉત્તર પ્રદેશની અમેઠી બેઠક પર ફરી એકવાર હાઈપ્રોફાઈલ સ્પર્ધા જોવા મળી શકે છે. અટકળોએ જોર પકડ્યું છે કે કોંગ્રેસના પૂર્વ રાષ્ટ્રીય અધ્યક્ષ રાહુલ ગાંધી 2024માં પણ આ બેઠક પરથી ચૂંટણી લડી શકે છે. જોકે, AICC તરફથી સત્તાવાર રીતે કંઈ કહેવામાં આવ્યું નથી. 2019ની લોકસભા ચૂંટણીમાં રાહુલને ભારતીય જનતા પાર્ટીની ટિકિટ પર ચૂંટણી લડનાર સ્મૃતિ ઈરાનીએ હરાવ્યા હતા.
બીજેપીએ ફરી એકવાર ઈરાનીને અમેઠી સીટ પરથી પોતાના ઉમેદવાર બનાવ્યા છે. જ્યારે કોંગ્રેસ દ્વારા આ બેઠક પર ઉમેદવારી અંગેની સ્થિતિ સ્પષ્ટ કરવામાં આવી નથી. 2019માં ઈરાનીએ અહીંથી રાહુલને 55 હજાર 120 વોટથી હરાવ્યા હતા.
સમાચાર એજન્સી PTI અનુસાર, અમેઠી જિલ્લા કોંગ્રેસ અધ્યક્ષે દાવો કર્યો છે કે પાર્ટીના નેતા રાહુલ ગાંધી 2024ની લોકસભા ચૂંટણી અમેઠીથી લડશે. નવી દિલ્હીમાં એક મહત્વપૂર્ણ બેઠક બાદ પરત ફરેલા કોંગ્રેસ જિલ્લા અધ્યક્ષ પ્રદીપ સિંઘલે બુધવારે કહ્યું કે રાહુલ ગાંધી અમેઠીથી કોંગ્રેસના ઉમેદવાર હશે, જેની જાહેરાત ટૂંક સમયમાં કરવામાં આવશે.
સિંઘલે કહ્યું કે ચૂંટણીની તૈયારીઓ શરૂ કરી દેવામાં આવી છે અને કાર્યકર્તાઓ પોતાની જવાબદારી નિભાવવાની તૈયારી કરી રહ્યા છે. રાહુલ ગાંધી 2002 થી 2019 સુધી અમેઠીના સાંસદ હતા. એવી શક્યતાઓ છે કે કોંગ્રેસ ટૂંક સમયમાં ઉમેદવારોની પ્રથમ યાદી જાહેર કરે. ભાજપે ગયા શનિવારે જ 195 નામોની પ્રથમ યાદી જાહેર કરી હતી.
રાયબરેલી પર પણ અટકળો
રાયબરેલીને કોંગ્રેસ અને ખાસ કરીને ગાંધી પરિવારનો ગઢ પણ માનવામાં આવે છે. કોંગ્રેસના પૂર્વ રાષ્ટ્રીય અધ્યક્ષ સોનિયા ગાંધી 2004થી અહીં ચૂંટણી જીતી રહ્યાં છે. જોકે, આ વખતે તેમણે રાજસ્થાનથી રાજ્યસભામાં જવાનું નક્કી કર્યું છે. તેમણે અમેઠીના લોકોને એક પત્ર પણ લખ્યો હતો, જેમાં તેમણે એવો સંકેત આપ્યો હતો કે ઉમેદવાર ગાંધી પરિવારનો છે. એવી અટકળો ચાલી રહી છે કે પ્રિયંકા ગાંધી વાડ્રા રાયબરેલી બેઠક પરથી ચૂંટણીમાં પદાર્પણ કરી શકે છે.
આ પણ વાંચો: Ahmedabad-Suicide/આત્મહત્યા કરનારી મહિલા પોલીસ કર્મચારીના પ્રેમીની આત્મહત્યા
આ પણ વાંચો: Gujrat/ભાવનગર: ગર્ભ પરીક્ષણ કરતો તબીબ ઝડપાયો, સ્ટીંગ ઓપરેશનમાં તબીબની ગેરરીતિનો થયો પર્દાફાશ
આ પણ વાંચો: development works/પાટણ અને સિદ્ધપુરમાં 305 કરોડના વિકાસ કાર્યક્રમોનું લોકાર્પણ કરાશે