Entertainment News: ભાજપ સાંસદ અને અભિનેત્રી કંગના રનૌત (Kangana Ranaut) ફરી એકવાર પોતાના લક્ઝુરિયસ લુકને લઈને ચર્ચામાં છે. સંસદના ચોમાસુ સત્ર દરમિયાન કંગનાએ પહેરેલી સાડી ભલે સાદી દેખાતી હોય, પરંતુ તેની સાથેની બેગ અને ઘડિયાળની કિંમત જાણીને તમે પણ ચોંકી જશો. કંગનાના આ સમગ્ર લુકની અંદાજિત કિંમત 56 લાખ હોવાનું રિપોર્ટ્સમાં જણાવાયું છે.
Kangana Ranautનો 56 લાખનો લુક ચર્ચામાં
સંસદના ચોમાસુ સત્ર દરમિયાન કંગના રનૌત વિવિધ સાડીઓમાં જોવા મળી હતી. તાજેતરમાં તેણે મણિપુરની બ્રાન્ડની બેબી બ્લુ રંગની એરી સિલ્ક સાડી પહેરી હતી. સાડી સાથે તેણે સફેદ શોર્ટ-સ્લીવ્ઝ બ્લાઉઝ અને ખૂબ જ ઓછી જ્વેલરી પહેરી હતી. કંગનાનો આ લુક સાદો અને એલિગન્ટ લાગતો હતો, પરંતુ તેની એક્સેસરીઝે સમગ્ર લુકને ખાસ બનાવી દીધો હતો. ખાસ કરીને તેની કાળી લક્ઝરી બેગ સોશિયલ મીડિયા અને ફેશન સર્કલમાં ચર્ચાનો વિષય બની હતી.
35 લાખની Hermès Birkin બેગ
કંગનાએ વાદળી સાડી સાથે કાળા રંગની Hermès Birkin બેગ કેરી કરી હતી. રિપોર્ટ્સ અનુસાર આ બેગની બજાર કિંમત આશરે 35 લાખ છે. બેગમાં સિગ્નેચર ટોપ હેન્ડલ અને ગોલ્ડ હાર્ડવેર આપવામાં આવ્યા છે. સાદી સાડી સાથે કાળી બેગે કંગનાના સમગ્ર લુકને લક્ઝુરિયસ ટચ આપ્યો હતો. Hermès Birkin વિશ્વની સૌથી જાણીતી લક્ઝરી હેન્ડબેગ્સમાંની એક માનવામાં આવે છે અને તેની વિવિધ ડિઝાઇન, મટિરિયલ અને મોડલ પ્રમાણે કિંમતમાં મોટો તફાવત જોવા મળે છે.
21 લાખની Rolex ઘડિયાળે ખેંચ્યું ધ્યાન
કંગનાના લુકમાં તેની કાંડા પર પહેરેલી Rolex Lady-Datejust ઘડિયાળ પણ ખાસ આકર્ષણનું કેન્દ્ર બની હતી. ચોકલેટ બ્રાઉન ડાયલવાળી આ ઘડિયાળની કિંમત આશરે 21 લાખ હોવાનું રિપોર્ટ્સમાં જણાવાયું છે. Rolex અનુસાર Lady-Datejust મોડલ કંપનીના જાણીતા ક્લાસિક મોડલ્સમાં સામેલ છે. Datejustને 1945માં રજૂ કરવામાં આવી હતી અને બાદમાં તેમાં વિવિધ ટેક્નિકલ તથા ડિઝાઇન અપડેટ્સ કરવામાં આવ્યા હતા. 1957માં મહિલાઓ માટે Lady-Datejust વર્ઝન રજૂ કરવામાં આવ્યું હતું.
6 હજારની છત્રી પણ બની ચર્ચાનો ભાગ
કંગનાના લુકમાં સૌથી રસપ્રદ વસ્તુ તેની છત્રી પણ હતી. દિલ્હીના વરસાદથી બચવા માટે કંગનાએ Good Earth બ્રાન્ડની પ્રિન્ટેડ છત્રીનો ઉપયોગ કર્યો હતો. તેની અંદાજિત કિંમત લગભગ 6,100 હોવાનું જણાવાયું છે. છત્રી પર ‘Indian Ocean’ પ્રિન્ટ અને અંદરની તરફ શેવરોન પેટર્ન જોવા મળતું હતું. લાકડાના હેન્ડલવાળી આ છત્રી કંગનાની વાદળી સાડી સાથે મેચ થઈ રહી હતી. આ રીતે કંગનાના સમગ્ર લુકમાં સાડીથી લઈને બેગ, ઘડિયાળ અને છત્રી સુધી દરેક વસ્તુ ચર્ચામાં રહી. ખાસ કરીને 35 લાખની બેગ અને 21 લાખની ઘડિયાળના કારણે કંગનાનો આ સંસદીય લુક સોશિયલ મીડિયા અને ફેશન પ્રેમીઓમાં ચર્ચાનો વિષય બન્યો છે.
આ પણ વાંચો: કંગના રણૌત નસીરુદ્દીન શાહ પર ભડકી; કહ્યું- ‘તેઓ શિયાળ છે, દેશનું ખાય છે ને પડોશી દેશ માટે લડે છે’
આ પણ વાંચો: કંગના રનૌતનું U-ટર્ન! હવે Gen Zને ગણાવી દેશની સૌથી મોટી તાકાત, કહ્યું- ‘આ પેઢી પર અમને ગર્વ છે’
આ પણ વાંચો: કંગનાનું નવું નિવેદન ચર્ચામાં, સોશિયલ મીડિયા પર ફરી વિવાદ ગરમાયો
