રેફ્રિજરેટરમાં રાખવાથી જ શાકભાજી અને ફળો તાજા રહે, ખોટી માન્યતા, સાચવણી જરૂરી

તમારા માટે/ રેફ્રિજરેટરમાં રાખવાથી જ શાકભાજી અને ફળો તાજા રહે, ખોટી માન્યતા, સાચવણી જરૂરી

આપણે ફળો, શાકભાજી અને અન્ય ખોરાકને વધુ વખત સ્ટોર કરવા તાજા રહે માટે રેફ્રિજરેટરનો ઉપયોગ કરીએ છીએ.

આપણે ફળો, શાકભાજી અને અન્ય ખોરાકને વધુ વખત સ્ટોર કરવા તાજા રહે માટે રેફ્રિજરેટરનો ઉપયોગ કરીએ છીએ. એવું માનવા લાગીએ છીએ કે ફક્ત રેફ્રિજરેટમાં રાખવાથી શાકભાજી અને ફળો તાજા રહેશે. આપણે ધ્યાન રાખવાની જરૂર નથી. જો તમે પણ આ માન્યતા ધરાવો છો તો તે બિલકુલ ખોટી છે.

રેફ્રિજરેટર ફળો અને શાકભાજીને લાંબા સમય સુધી જરૂર તાજા રાખે છે. પરંતુ કેટલીકવાર આપણી બેદરકારીને કારણે અમુક શાકભાજી બગડવા લાગે છે અને ફ્રિજમાં હોવા છતાં પણ સડવા લાગે છે. આ બધાથી બચવા માટે અમે તમે આ ટીપ્સ જરૂર અપનાવો. જેથી રેફ્રિજરેટરમાં તમારા ફળો, શાકભાજી અને ખોરાકને લાંબા સમય સુધી તાજા રાખી શકશો અને તેમનો કુદરતી સ્વાદ પણ જળવાઈ રહેશે.

ભીના ફળો અને શાકભાજીનો સંગ્રહ કરશો નહીં – ઘણા લોકો બજારમાંથી ફળો અને શાકભાજી લાવે છે અને સીધા જ રેફ્રિજરેટરમાં રાખે છે. પરંતુ જો તે ભીના હોય તો તમારે તેને રેફ્રિજરેટરમાં રાખવાનું ટાળવું જોઈએ. સૌપ્રથમ તેને સારી રીતે સાફ કરો અને પછી જ્યારે તે સુકાઈ જાય ત્યારે તેને રેફ્રિજરેટરમાં સ્ટોર કરો. ભીના ફળો અને શાકભાજી ઝડપથી બગડે છે.

ફ્રિજને લાંબા સમય સુધી ખુલ્લું રાખવાનું ટાળો : ફળો અને શાકભાજી સ્ટોર કર્યા પછી, ફ્રિજનો દરવાજો બરાબર બંધ કરો અને ફ્રિજને વારંવાર ખોલવાનું ટાળો. રેફ્રિજરેટરનો દરવાજો જરૂરી હોય ત્યાં સુધી જ ખોલો. દરવાજાને લાંબા સમય સુધી ખુલ્લો રાખવાથી તેના તાપમાનમાં ફેરફાર થાય છે અને અંદર રાખેલો સામાન બગડી શકે છે. રજાઓ પર જતા પહેલા કરો આટલું – જો તમારે થોડા દિવસો માટે ઘરની બહાર જવું હોય તો ફ્રિજમાંથી નાશવંત વસ્તુઓ કાઢી નાખો. જો તમારા ફ્રિજમાં આ સુવિધા છે, તો તમે હોલિડે મોડ ચાલુ કરી શકો છો જેથી કરીને જ્યારે તમે ત્યાં ન હોવ, ત્યારે ફ્રીજ ખૂબ જ ઓછી વીજળી વાપરે છે.

ક્લિનિંગ અને સર્વિસિંગ : ફ્રીજની નિયમિત સફાઈ પણ ખૂબ જ જરૂરી છે. જો કોઈ ખાવાની વસ્તુ પડી ગઈ હોય તો તેને તરત જ સાફ કરો જેથી ત્યાં બેક્ટેરિયા ન વધે. જો તમે ફ્રિજને નિયમિત રીતે સાફ ન કરો તો તેમાંથી દુર્ગંધ આવવા લાગે છે અને તેમાં રાખવામાં આવેલા ખોરાકની ગુણવત્તા પર પણ અસર થાય છે. જો તમને લાગે કે ફ્રિજનું ઠંડક યોગ્ય રીતે કામ કરી રહ્યું નથી તો સર્વિસ પ્રોવાઈડરનો સંપર્ક કરો અને ફ્રીજની સર્વિસ કરાવો.

આ વાતનું રાખો ધ્યાન : કાંદા જેવી કેટલીક વસ્તુઓને રેફ્રિજરેટરમાં ન રાખવાની સલાહ આપવામાં આવે છે. જો ડુંગળીને ફ્રીઝમાં રાખવામાં આવે તો તેનો સ્વાદ બગડી જાય છે. તેલ, સૌંદર્ય પ્રસાધનો, મધ, નારંગી અને કેળા જેવી વસ્તુઓને ફ્રીજમાં રાખવાનું ટાળો.