IPL 2022માં અત્યાર સુધી રોયલ ચેલેન્જર્સ બેંગ્લોરના પૂર્વ કેપ્ટન વિરાટ કોહલીની બેટિગ હાલમાં શાંત છે. એવી અપેક્ષા રાખવામાં આવી રહી હતી કે કેપ્ટન્સી છોડ્યા બાદ કોહલી બેટ્સમેનના રૂપમાં રંગમાં જોવા મળશે. પરંતુ અત્યાર સુધી આવું થતું જોવા મળ્યું નથી. તેણે આ સિઝનની 7 ઇનિંગ્સમાં 19.83ની એવરેજથી 119 રન બનાવ્યા છે. પરંતુ બે દિવસ પહેલા લખનૌ સુપર જાયન્ટ્સ સામેની મેચમાં કોહલીને પહેલી જ ઓવરમાં ગોલ્ડન ડક મળ્યો હતો. એટલે કે પહેલા જ બોલ પર ખાતુ ખોલાવ્યા વગર જ પેવેલિયન પરત ફર્યો હતો.
શું તે પહેલા આઈપીએલમાં ગોલ્ડન ડક બની ચૂક્યો છે? આ જાણતા પહેલા ચાલો જાણીએ કે વાસ્તવમાં ગોલ્ડન ડક શું છે અને ક્રિકેટમાં કેટલા બેટ્સમેન આ રીતે આઉટ થાય છે?
‘ગોલ્ડન ડક’ શું છે?
‘ડક’ શબ્દનો ઉપયોગ બેટ્સમેનને ઇનિંગ્સમાં શૂન્ય પર આઉટ કરવા માટે થાય છે. પરંતુ બેટ્સમેન તે કિસ્સામાં ગોલ્ડન ડક છે. જો તે ખાતું ખોલ્યા વિના ઇનિંગ્સના તેના પ્રથમ લીગલ બોલ પર આઉટ થઈ જાય છે. આ રીતે લખનૌ સામેની મેચમાં કોહલી પહેલા જ બોલ પર આઉટ થયો હતો. તેથી જ તેની વિકેટ ગોલ્ડન ડકની શ્રેણીમાં આવી.
ક્રિકેટમાં કેટલા પ્રકારના ડક હોય છે?
સિલ્વર ડક: જ્યારે બેટ્સમેન તેની ઇનિંગના બીજા બોલ પર આઉટ થાય છે, ત્યારે તેને સિલ્વર ડક કહેવામાં આવે છે.
બ્રોન્ઝ ડકઃ જ્યારે બેટ્સમેન તેની ઇનિંગ્સના ત્રીજા બોલ પર ખાતું ખોલ્યા વિના આઉટ થઈ જાય છે.
ડાયમંડ ડક: જ્યારે બેટ્સમેન ઇનિંગ્સમાં એક પણ બોલનો સામનો કર્યા વિના આઉટ થાય છે, ત્યારે તેને ‘ડાયમંડ ડક’ કહેવામાં આવે છે.
પ્લેટિનમ ડક/રોયલ ડક: જ્યારે બેટ્સમેન ઇનિંગ્સના પ્રથમ બોલ પર આઉટ થાય છે.
પેર: જ્યારે બેટ્સમેન ટેસ્ટની બંને ઇનિંગ્સમાં શૂન્ય પર આઉટ થાય છે, ત્યારે તેને પેર કહેવામાં આવે છે.
કિંગ પેરઃ ટેસ્ટની બંને ઇનિંગ્સમાં જ્યારે બેટ્સમેન પ્રથમ બોલ પર આઉટ થાય છે, એટલે કે બંને ઇનિંગ્સમાં ગોલ્ડ ડક, ત્યારે તેને કિંગ પેર કહેવામાં આવે છે.
