દેશમાં હોળી તહેવારની ઉજવણી ચાલી રહી છે. હિમાચલ પ્રદેશમાં આજે હોળી તહેવાર મોટી ઘટના બનવા પામી. દેશના પહાડી રાજ્ય હિમાચલ પ્રદેશમાં એક ભયાનક અકસ્માતમાં બે લોકોના મોત થયા છે. હોળીના તહેવાર પર, હોલા મોહલ્લામાં ભૂસ્ખલનથી ઘણા લોકો પ્રભાવિત થયા હતા. જેમાંથી બે લોકોના ઘટનાસ્થળે જ મોત થયા હતા. જ્યારે અનેક લોકો ઘાયલ થયાના સમાચાર પણ સામે આવ્યા છે.
ખરેખર, ઉના જિલ્લાના આંબ પેટા વિભાગના મેડીમાં હોળી નિમિત્તે હોલા મોહલ્લાનું આયોજન કરવામાં આવ્યું હતું. સોમવારે સવારે અહીં હોળીના તહેવારની ઉજવણી ચાલી રહી હતી ત્યારે અચાનક ભૂસ્ખલન થતાં નાસભાગ મચી ગઈ હતી અને આ ભૂસ્ખલનને કારણે બે લોકોના મોત થયા હતા. જણાવવામાં આવી રહ્યું છે કે આ અકસ્માતમાં સાત લોકો ઘાયલ થયા છે અને તેમને તાત્કાલિક નજીકની હોસ્પિટલમાં લઈ જવામાં આવ્યા છે. આ તમામની અહીં સારવાર ચાલી રહી છે. જેમાંથી એકની હાલત પણ ગંભીર હોવાનું કહેવાય છે. પ્રાપ્ત માહિતી અનુસાર, ત્રણ ઘાયલોને પ્રાદેશિક હોસ્પિટલમાં રીફર કરવામાં આવ્યા છે.
પોલીસ મૃતદેહોની ઓળખ કરી રહી છે.અકસ્માતની માહિતી મળતાની સાથે જ પોલીસની ટીમ પણ ઘટનાસ્થળે પહોંચી ગઈ હતી અને બચાવ કાર્ય શરૂ કર્યું હતું. આ દરમિયાન ઘાયલોને બહાર કાઢીને તાત્કાલિક હોસ્પિટલમાં મોકલવામાં આવ્યા હતા. જ્યારે પોલીસે બે મૃતદેહો પણ કબજે કર્યા છે. પોલીસ હાલ મૃતકો અને ઘાયલોની ઓળખ કરવામાં વ્યસ્ત છે. સોમવારે સવારે 5 વાગ્યાથી હોલા મોહલ્લાની ઉજવણી શરૂ થઈ ગઈ હતી. લોકો હોળીની ઉજવણીમાં વ્યસ્ત હતા. આ દરમિયાન અચાનક ભૂસ્ખલન થતા બધાને હચમચાવી દીધા હતા. એવું કહેવામાં આવી રહ્યું છે કે આ દરમિયાન ભક્તો ધોધમાં સ્નાન કરે છે અને એકબીજાને રંગો પણ લગાવે છે. પરંતુ અચાનક પર્વત પરથી મોટા પથ્થરો પડવા લાગ્યા અને ભાગદોડ મચી ગઈ. તેમાં પડતાં અનેક લોકો ઘાયલ થયા હતા.
આ પણ વાંચોઃIPLની 17મી સીઝન છે ખાસ, સ્ટોપ લોક-એક ઓવરમાં બે બાઉન્સર સહિત નિયમો બદલાયા
આ પણ વાંચોઃ IPL 2024ની શરૂઆત પહેલા આ ટીમનું ટેન્શન થયું ડબલ, ઓસ્ટ્રેલિયાના ખેલાડીએ રમવાનો કર્યો ઇનકાર
આ પણ વાંચોઃ ચિદંબરમ સ્ટેડિયમની પીચ કઈ ટીમને પ્રથમ મેચ જીતાડશે….
