છોટાઉદેપુરમાં વિરોધપક્ષના નેતાએ કર્યું મતદાન
લાઇનમાં ઉભા રહીને જામલી ખાતે કર્યું મતદાન
બેલેટ પેપરથી મતદાન થતા ખુશ: સુખરામ રાઠવા
ગુજરાતમાં ગ્રામ પંચાયતનૂ ચૂંટણીના બે કલાક પરિપૂર્ણ થયા છે મતદારોમાં ભારે ઉત્સાહ જોવા મળી રહ્યો છે.છોટાઉદેપુરમાં વિરોધપક્ષના નેતા સુખરામ રાઠવાએ કર્યુ મતદાન. જામલી ગામ ખાતે મતદાન કર્યું અને લાઇનમાં ઉભા રહીને તેમમે મતદાન કર્યું હતું અને તેમણે મતદાન કર્યા બાદ ખુશી વ્યક્ત કરી હતી .તેમણે વધુમાં કહ્યું કે બેલેટ પેપરથી મતદાન થતાં તેઓ ખુબ ખુશ છે.
આજે ગ્રામ પંચાયતની ચૂંટણીઓ યોજાઇ રહી છે. મતદાન પ્રક્રિયા દરમિયાન કોઇ અનિચ્છીય બનાવ ન બને તેના માટે તંત્ર સજ્જ છે. રાજ્યમાં અતિસંવેદનશીલ મતદાન કેન્દ્રો તારવવામાં આવ્યા છે. સાથે જ શાંતિપૂર્ણ માહોલમાં ચૂંટણી સંપન્ન થાય તે માટે પોલીસ અધિકારીઓ પોલીસ જવાનો અને હોમગાર્ડ સહિતના સ્ટાફનો બંદોબસ્ત ગોઠવવામાં આવ્યો છે. જ્યારે અતિસંવેદનશીલ મતદાન કેન્દ્રો પર પોલીસ દ્વારા રાઉન્ડ ધ ક્લોક પેટ્રોલિંગ કરવામાં આવી રહ્યું છે. એકંદરે શાંતિપૂર્ણ માહોલમાં ચૂંટણી સંપન્ન થાય એ માટે તંત્ર સજ્જ થયું છે.
રાજ્યની 8684 ગ્રામ પંચાયતોમાં ચૂંટણી યોજાઇ છે. આ ગ્રામ પંચાયતોમાં 8560 સરપંચ પદ માટે કુલ 27 હજાર 200 ઉમેદવારો વચ્ચે જંગ ખેલાઇ રહ્યો છે. જ્યારે 53 હજાર 507 સભ્યો ચૂંટવા માટે 1 લાખ 19 હજાર 998 ઉમેદવારો વચ્ચે ચૂંટણી જંગ ખેલાઇ રહ્યો છે
