શક્તિપીઠ અંબાજી ખાતે ધર્મ અને સંસ્કૃતિના સમન્વયને ઉજાગર કરતા ‘શ્રી 51 શક્તિપીઠ પરિક્રમા મહોત્સવ’ માં ગુજરાત વિધાનસભાના અધ્યક્ષશ્રી અને થરાદ મત વિસ્તારના ધારાસભ્ય શંકરભાઈ ચૌધરી ભક્તિભાવથી સહભાગી બન્યા હતા. આ પ્રસંગે અધ્યક્ષ શંકરભાઈ ચૌધરીએ ગુજરાતભરમાંથીમાં જગદંબાના પરિક્રમા મહોત્સવમાં પધારેલા માઇભક્તોનું હૃદયના ઉમળકાથી ભવ્ય સ્વાગત કરી યાત્રાળુઓને આવકાર્યા હતા. શક્તિપીઠ પરિક્રમા મહોત્સવમાં વિધાનસભા અધ્યક્ષ શંકરભાઈ ચૌધરીની પ્રેરક ઉપસ્થિતથી યાત્રાળુઓમાં નવા જોમ અને જુસ્સો પ્રસર્યો હતો અને માઇભક્તો જય અંબેના જયઘોષ કરતાં પરિક્રમા પથ પર આગળ વધ્યા હતા. આ પ્રસંગે અધ્યક્ષએ માં અંબાની સેવા પૂજાનો લ્હાવો લઈ ધન્યતા અનુભવી હતી. તેમજ દીપ પ્રજ્વલિત કરી ધજા ફરકાવી જય અંબેના નાદ સાથે માતાજીની ચરણ પાદુકા માથે ચડાવી માઇભક્તો સાથે 51 શક્તિપીઠની પરિક્રમામાં જોડાયા હતા.
વિધાનસભાના અધ્યક્ષ શંકરભાઈ ચૌધરીએ જણાવ્યું હતું કે શક્તિના ઉપાસક અને પરમ શ્રધ્ધાળુ દેશના પ્રધાનમંત્રી નરેન્દ્રભાઇ મોદીના આદ્યશક્તિ માં જગદંબા પ્રત્યેના ભાવ અને અનુભૂતિથી યાત્રાધામ અંબાજી ખાતે એક જ સ્થળે તમામ 51 શક્તિપીઠનું ભવ્ય નિર્માણ થયું છે. જેથી માં જગતજનની અંબામાં અતૂટ શ્રદ્ધા ધરાવતા લાખો શ્રદ્ધાળુઓને તમામ 51 શક્તિપીઠના દર્શનની ધન્યતા અનુભવવા મળી છે. દેશના લાખો શ્રદ્ધાળુઓની આધ્યાત્મિક આસ્થાને પરિપૂર્ણ કરવાનું ભગીરથ કાર્ય કરવા બદલ સૌ માઇભક્તો વતી શંકરભાઈ ચૌધરીએ પ્રધાનમંત્રી નરેન્દ્રભાઇ મોદીનો આભાર માન્યો હતો.
અંબાજી યાત્રાધામનો પર્યટન સ્થળ તરીકે વિકાસ થાય તે હેતુથી અંબાજી મંદિરને રેલવે, એક્સપ્રેસ હાઇવે, રોજગારીની તકો અને આત્મનિર્ભરતાની નવીન દિશાઓ થકી અંબાજી યાત્રાધામની કાયાપલટ કરી “અંબાજી ધામ- માં જગદંબાનું કામ” સંકલ્પ હેઠળ શક્તિપીઠ- યાત્રાધામ અંબાજીને આધ્યાત્મિક અને પર્યટનના સમન્વયનું કેન્દ્ર બને એવું ભવ્ય આયોજન કેન્દ્ર અને રાજ્ય સરકારના સંયુક્ત પ્રયાસથી કરવામાં આવી રહ્યું છે. પરિક્રમા મહોત્સવ દરમિયાન પ્રકૃતિના સાંનિધ્યમાં અને અરવલ્લીની ડુંગરમાળામાં વસેલ પવિત્ર યાત્રાધામ અંબાજીની પવિત્રતા જાળવવા અને પર્યાવરણનું જતન કરવા યાત્રાળુઓને વિધાનસભાના અધ્યક્ષ શંકરભાઈ ચૌધરીએ અપીલ કરી હતી.
51 શક્તિપીઠ ની પરિક્રમા કર્યા બાદ વિધાનસભાના અધ્યક્ષ શંકરભાઈ ચૌધરીએ બનાસકાંઠા જિલ્લા વહીવટીતંત્રના ઉચ્ચ અધિકારીઓ સાથે બેઠક કરી હતી. જેમાં પરિક્રમા મહોત્સવ દરમિયાન થયેલી કામગીરીની સમીક્ષા મેળવી કરી હતી. જે પણ ભક્તો માં અંબાની પરિક્રમા મહોત્સવમાં સહભાગી બનવાના છે તે ભક્તો માટે કયા પ્રકારની વ્યવસ્થા થઈ છે તેની તમામ માહિતી અધ્યક્ષશ્રીએ મેળવી હતી. અંબાજી શક્તિપીઠના વિકાસલક્ષી કામોનું જીલ્લા કલેકટરશ્રી આનંદ પટેલ દ્વારા PPT પ્રેઝન્ટેશન કરી મંદિરના વિકાસલક્ષી કામની વિગતો થી વિધાનસભાના અધ્યક્ષશ્રી શંકરભાઈ ચૌધરીને અવગત કરાયા હતા. 51 શક્તિપીઠ પરિક્રમા મહોત્સવનું સફળ આયોજન બદલ વિધાનસભાના અધ્યક્ષ શંકરભાઈ ચૌધરીએ વહીવટીતંત્રની કામગીરીને બિરદાવી હતી.
શક્તિપીઠ પરિક્રમા મહોત્સવમાં વિધાનસભા અધ્યક્ષ શંકરભાઈ ચૌધરીની વિશેષ ઉપસ્થિતિ પ્રસંગે મગર વાડા તીર્થના યતિ વિજય સોમજી મહારાજ, આનંદ ધામના મહંત રાજેન્દ્ર આનંદ સ્વામી બનાસકાંઠા જિલ્લા કલેક્ટર આનંદ પટેલ, જિલ્લા વિકાસ અધિકારી સ્વપ્નિલ ખરે, જિલ્લા પોલીસ અધિક્ષક અક્ષયરાજ મકવાણા, ધાનેરાના ધારાસભ્ય માવજી ભાઈ દેસાઇ, અંબાજી મંદિર દેવસ્થાન ટ્રસ્ટના વહીવટદાર સુશ્રી સિદ્ધિ વર્મા, સંગઠનના જિલ્લા પ્રમુખ ગુમાનસિંહ ચૌહાણ, સંગઠનના જિલ્લા પ્રભારી, નંદાજી ઠાકોર, ભાદરવી પૂનમિયા સંઘના પ્રમુખ યોગેશભાઈ પટેલ સહિત મોટી સંખ્યામાં માઇભક્તો સહભાગી બન્યા હતા.
આ પણ વાંચો:નેશનલ ગેમ્સમાં ગયેલી સુરતની વિદ્યાર્થીની સાથે દુષ્કર્મ, મહેસાણાના ખેલાડીએ બનાવી ગર્ભવતી
આ પણ વાંચો:જાહેરમાં બર્થડે પાર્ટી કરતા અટકાવતા યુવાનો અને પોલીસ વચ્ચે ઘર્ષણ, ચાર લોકોની અટકાયત
આ પણ વાંચો:21મી સદીમાં પણ જીવે છે અંધશ્રદ્ધા, પોરબંદરમાં 2 માસની બાળકીને ભુવાએ દીધા ડામ
આ પણ વાંચો:સુરતમાં ભૂકંપના કારણે ધ્રૂજી ઉઠી ધરતી, રિક્ટર સ્કેલ પર મપાઈ 3.8 તીવ્રતા
આ પણ વાંચો:ગુજરાતના આ શહેરમાં બનશે વિશ્વનું સૌથી મોટું પ્રાણીસંગ્રહાલય, દ.આફ્રિકાથી લવાયા મન્કી
