મહારાષ્ટ્ર સરકારે રાજ્યના મુખ્ય વિરોધી પક્ષ ભારતીય જનતા પાર્ટીના અનેક નેતાઓની સુરક્ષા ઘટાડવાની જાહેરાત કરી છે. સુરક્ષા ઘટાડવા માટે જે નેતાઓનો નિર્ણય લેવામાં આવ્યો છે તેમાં પૂર્વ મુખ્યમંત્રી દેવેન્દ્ર ફડણવીસ, રાજ ઠાકરે, કેન્દ્રીય પ્રધાન રામદાસ આઠવલે, ભાજપ નેતા ચંદ્રકાંત પાટીલ, પ્રવીણ દરેકર, પ્રસાદ લાડ અને અન્ય વિપક્ષી નેતાઓ શામેલ છે.
મનસે પાર્ટી અધ્યક્ષ રાજ ઠાકરેની ઝેડ સિક્યુરિટી હટાવી દેવામાં આવી છે અને આ સિવાય તેમના કાફલામાંથી બુલેટપ્રૂફ વાહન હટાવવાની પણ ચર્ચા છે. જો સૂત્રો દ્વારા પ્રાપ્ત મહિતી અનુસાર, આ માટે સુરક્ષા સમિતિની બેઠકનું આયોજન કરવામાં આવે છે અને આ બેઠકો મહિનામાં બેથી ત્રણ વાર થાય છે. સમિતિનું કહેવું છે કે પોલીસ પર ખૂબ તણાવ છે, તેથી વિપક્ષી નેતાની સુરક્ષા ઘટાડવાનો નિર્ણય લેવામાં આવ્યો છે.
અહીં રામ કદમે વિપક્ષના નેતાઓ પાસેથી બદલો લેવાનો સરકાર પર આક્ષેપ કર્યો છે. રામ કદમે કહ્યું કે આ રીતે સરકાર વિપક્ષી નેતાઓને ચૂપ કરવા માંગે છે. રામ કદમે વધુમાં કહ્યું કે, ભાજપ નેતાએ છેલ્લા એક વર્ષમાં મહારાષ્ટ્ર સરકારની નિષ્ફળતાઓ બતાવી છે.
તેમણે વધુમાં કહ્યું કે, ન તો મહારાષ્ટ્ર સરકારે ખેડુતોની મદદ કરી છે અને ન તો કોરોના સમયગાળામાં મૃત્યુ પામેલા દર્દીઓના પરિવારને કોઈ આર્થિક મદદ કરી છે. તેથી, તેનો બદલો લેવા માટે મહારાષ્ટ્ર સરકારે આ નિર્ણય લીધો છે.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
