શિયાળાની શરૂઆત થઇ ગઈ છે અને જો ખાવામાં ભજીયા મળી જાય તો તેની મજા જ કંઈક અલગ હોય છે. શિયાળામાં મોટાભાગના લોકો મેથીના ભજીયા બનાવીને ખાય છે પરંતુ જો ચટણી સાથે દૂધીના ભજીયા મળી જાય તો ભજીયા ખાવાની વધુ મજા આવે છે. તો આજે અમે તમને ચટણી સાથે એકદમ ક્રિસ્પી અને પોચા રૂ જેવા દૂધીના ભજીયાની રેસિપી જણાવીશું.
દૂધીના ભજીયા માટે જરૂરી સામગ્રી: 350 ગ્રામ દૂધી, 3 કાપેલી ડુંગળી, 2-3 સમારેલા લીલા મરચા, 1 ઇંચ ઝીણું સમારેલું આદુ, 3-4 ઝીણી સમારેલી લસણની કળી, કોથમીર, ½ ચમચી હળદર, 1 ચમચી લાલ મરચું પાવડર, 1 ચમચી ધાણા પાવડર,1 ચમચી અજમો, 1 ચમચી આમચૂર પાવડર, ¼ ચમચી ગરમ મસાલો, ચમચી લીંબુનો રસ, એક ચપટી સંચળ, સ્વાદ પ્રમાણે મીઠું, 1 કપ ચણાનો લોટ, ½ કપ ચોખાનો લોટ, ¼ ચમચી ખાવાના સોડા, 1 ચમચી ગરમ તેલ, જરૂર મુજબ પાણી, તેલ.
દૂધીના ભજીયા બનાવવાની રીત: સૌ પ્રથમ દુધીના ઉપરના ભાગને ચપ્પા વડે છોલી લો. હવે દૂધીને ખમણીની મદદથી ખમણી લો.
પછી તેમાં 3 કાપેલી ડુંગળી, સમારેલા લીલા મરચા, આદુ, સમારેલ લસણ, ધાણાજીરું, હળદર, લાલ મરચું પાવડર, ધાણા પાવડર, અજમો , આમચૂર પાવડર, ગરમ મસાલો અને લીંબુનો રસ ઉમેરો.
તમારા હાથની મદદથી બધા મસાલાને સારી રીતે મિક્સ કરો. . બધા મસાલા સારી રીતે મિક્સ થઇ ગયા પછી સંચળ પાવડર અને મીઠું ઉમેરો. બધા મસાલા સારી રીતે મિક્સ કરો અને 4-5 મિનિટ માટે રહેવા દો જેથી દુધીમાંથી પાણી છૂટું પડે.4-5 મિનિટ પછી તેમાં ચણાનો લોટ, ચોખાનો લોટ, ખાવાના સોડા અને ગરમ તેલ ઉમેરો. હાથની મદદથી બધું સારી રીતે મિક્સ કરી દો. પછી એક ચમચી પાણી ઉમેરીને સારી રીતે મિક્સ કરીને નરમ કણક બાંધી લો. હવે હાથને પાણીથી ગ્રીસ કરો અને કણકમાંથી નાના નાના ગોળ આકારના ભજીયા બનાવો.
