પશ્ચિમ બંગાળના મુખ્યમંત્રી મમતા બેનર્જીએ નંદીગ્રામ ચૂંટણીના પરિણામોને કલકત્તા હાઈકોર્ટમાં પડકાર્યા છે. આ મામલે શુક્રવારે સુનાવણી થશે. ત્રીજી વખત રાજ્યમાં સત્તા પર આવેલી મમતા બેનર્જીની પાર્ટી તૃણમૂલ કોંગ્રેસને ચૂંટણીમાં 200 થી વધુ બેઠકો મળી છે. પંરતુ તેણી પોતે ચૂંટણીમાં હારનો સામનો કરવો પડ્યો છે. મમતા બેનર્જી સતત નંદીગ્રામના ચૂંટણી પરિણામો અંગે આક્ષેપો કરી રહ્યા છે.
2 મેના રોજ ચૂંટણીના પરિણામો બાદ મમતા બેનર્જીએ કહ્યું હતું કે તે નંદીગ્રામની જનતાના નિર્ણયને સ્વીકારે છે. પરંતુ તે મતગણતરી દરમિયાન ગેરરીતિના મુદ્દાને લઈને કોર્ટમાં લઇ જશે, કારણ કે તેમને માહિતી છે કે ચૂંટણી પરિણામ જાહેર થયા પછી કેટલીક હેરાફેરી કરવામાં આવી હતી, જે તે જાહેર કરશે. હકીકતમાં, ચૂંટણીનો વલણ આવ્યા પછી શુભેન્દુ અધિકારી અગ્રેસર હતા. જો કે, 16માં રાઉન્ડની મતગણતરી પછી, મમતા બેનર્જી આગળ હતા અને પછી અચાનક અધિકારી આગળ નીકળી ગયા અને પરિણામ જાહેર કરી દેવામાં આવ્યું.
શુભેન્દુ અધિકારીઓ હાલમાં વિપક્ષી નેતા છે
માનવામાં આવતું હતું કે મમતા આ અંગે કોર્ટમાં જી શકે છે. નંદીગ્રામમાં મમતાને પરાજિત કરનાર નેતા શુભેન્દુ અધિકાર હાલમાં પશ્ચિમ બંગાળ વિધાનસભામાં વિપક્ષી નેતા છે. તાજેતરમાં, જ્યારે પીએમ નરેન્દ્ર મોદી યાસ તોફાનની સમીક્ષા બેઠક માટે પશ્ચિમ બંગાળ ગયા હતા, ત્યારે સર્જાયેલા વિવાદનું મુખ્ય કારણ શુભેન્દુ અધિકારીને જ કહેવામાં આવ્યું હતું. હકીકતમાં, તૃણમૂલ કોંગ્રેસ વતી કહેવામાં આવ્યું હતું કે આ બેઠક વડા પ્રધાન અને મુખ્ય પ્રધાન વચ્ચે હોવી જોઈએ. બેઠકમાં વિપક્ષી નેતાનો કોઈ રોલ નથી. જો કે, બાદમાં કેન્દ્ર દ્વારા સ્પષ્ટતા કરવામાં આવી હતી કે આવી પ્રથા અન્ય રાજ્યોમાં પણ આવી ચુકી છે.
