Google Maps Hack: ગૂગલ મેપ્સનો ઘણો ઉપયોગ થાય છે. આના પરથી જાણી શકાય છે કે કઈ જગ્યાએ વધુ ટ્રાફિક છે અને કઈ જગ્યાએ રસ્તો ખાલી છે. પરંતુ શું થશે જ્યારે ખાલી રોડ પર ટ્રાફિક દેખાવા લાગે? આવી સ્થિતિમાં આપણને લાગે છે કે ગૂગલ મેપમાં કંઈક એરર આવી હશે. એક જર્મન કલાકારે વર્ચ્યુઅલ ટ્રાફિક જામ બનાવ્યો અને ખાલી રસ્તામાં ગીચ ટ્રાફિક દેખાડ્યો. જર્મન કલાકાર સિમોન વેકર્ટે યુટ્યુબ પર એક વીડિયો પોસ્ટ કર્યો, જેમાં તે દર્શાવે છે કે તે ટ્રાફિકથી ભરેલા નિર્જન રસ્તા પર 99 ફોન કેવી રીતે લઈ જાય છે.
સિમોન વેકર્ટે ગૂગલ મેપ ચાલુ કરીને એક નાની કારમાં 99 સ્માર્ટફોન મૂક્યા અને પછી તે કારને બર્લિનની અલગ-અલગ શેરીઓમાં ચલાવી. આ 99 સ્માર્ટફોનના લોકેશનને ટ્રેક કરતા ગૂગલ મેપે આખા રસ્તા પર ભારે જામ જાહેર કર્યો હતો. પરંતુ વીડિયોમાં જો તમે રસ્તા પર જુઓ તો એક પણ વાહન પસાર થતું ન હતું. તે બગીને ખૂબ જ ધીમી ગતિએ ચલાવી રહ્યો હતો, જેના કારણે ગૂગલ મેપ્સને લાગે છે કે ત્યાં ઘણો ટ્રાફિક છે અને લોકો ખૂબ જ ધીમેથી આગળ વધી રહ્યા છે. તો જેણે પણ ગૂગલ મેપ ચાલુ કર્યું, ત્યાં ભયંકર ટ્રાફિક જામ દેખાવા લાગ્યો. સિમોન વેકર્ટ જ્યાં પણ ટ્રોલી લઈને પહોંચી રહ્યો હતો ત્યાં ટ્રાફિક દેખાતો હતો. થોડીક સેકન્ડો પહેલા ગુગલ મેપ પર જે રસ્તો ખાલી દેખાતો હતો તે જગ્યા પર ટ્રાફિક દેખાતો હતો. એ રસ્તો ક્ષણભરમાં મેપ પર લાલ થઈ ગયો. એટલે કે ભારે ટ્રાફિક દેખાવા લાગ્યો. આવી સ્થિતિમાં લોકો પોતાનો રસ્તો વાળીને બીજા રસ્તા તરફ વળવા લાગ્યા હતા.
ગૂગલ મેપ્સના સિનિયર એન્જિનિયર પણ સંમત થયા કે આ શક્ય છે. ઘણા ફોનમાં ગૂગલ મેપ્સ ઓન કરીને ટ્રાફિક બતાવી શકાય છે. આ કરીને સિમોન વેકર્ટે ગૂગલ મેપ્સની ખામીને પકડી લીધી. આશા છે કે Google Maps આ બાબતને ઠીક કરશે.
આ પણ વાંચો: એનઆઇએની કાર્યવાહી/નેશનલ ઇન્વેસ્ટિગેશન એજન્સીની તવાઈ દેશમાં 70 સ્થળો પર NIAના દરોડા ગેંગસ્ટર કેસને લઈને NIAની કાર્યવાહી
