વિવેક બિન્દ્રા સામે નોંધાયેલી FIR, પત્ની સાથે મારપીટનો લાગ્યો આરોપ

મોટિવેશનલ સ્પીકર વિવેક બિન્દ્રા ફરી એકવાર વિવાદોના કારણે ચર્ચામાં આવ્યા છે. આ વખતે તે તેમની પત્ની પર હુમલો કરવાના આરોપનો સામનો કરી રહ્યા છે. તેમના સાળાએ વિવેક બિન્દ્રા પર તેમની બહેન યાનિકા પર હુમલો કરવાનો આરોપ લગાવ્યો છે. નોઈડામાં નોંધાયેલી FIR માં બિન્દ્રા પર ગંભીર આરોપો લગાવવામાં આવ્યા છે. જેમાં કહેવાય છે કે વિવેક બિન્દ્રા અને યાનિકાના લગ્ન 6 ડિસેમ્બર 2023ના રોજ થયા હતા. લગ્નના આઠ દિવસ પછી એટલે કે 14 ડિસેમ્બરે નોઈડાના સેક્ટર 126 પોલીસ સ્ટેશનમાં વિવેક બિન્દ્રા વિરુદ્ધ FIR નોંધવામાં આવી હતી.

જેમાં તેમના પર આરોપ હતો કે બિન્દ્રાએ તેમની પત્ની યાનિકાની સાથે મારપીટ કરી હતી. વિવેક બિન્દ્રાના સાળા વૈભવ ક્વાત્રા દ્વારા દાખલ કરવામાં આવેલી FIR માં કહેવામાં આવ્યું છે કે તેમની બહેનના લગ્ન 6 ડિસેમ્બર 2023ના રોજ લલિત માનનગર હોટલમાં વિવેક બિન્દ્રા સાથે થયા હતા. તે નોઈડા સેક્ટર 94માં સુપરનોવા વેસ્ટ રેસિડેન્સીમાં રહે છે. આ સાથે બિન્દ્રાનો એક વીડિયો પણ સામે આવ્યો છે જેમાં તે તેની પત્ની યાનિકા સાથે ઝઘડો કરતો જોવા મળી રહ્યો છે.

FIRમાં શું કહ્યું?

વિવેક બિન્દ્રાના સાળા વૈભવ ક્વાત્રાએ FIR માં જણાવ્યું છે કે 7 ડિસેમ્બરે સવારે લગભગ 3 વાગે વિવેક બિન્દ્રા તેમની માતા સાથે દલીલ કરી રહ્યો હતો. જેના પર યાનિકાએ દરમિયાનગીરી કરી હતી. જે બાદ વિવેકે તેમની બહેનને રૂમમાં બંધ કરી દીધી અને તેમની સાથે દુર્વ્યવહાર કરવા લાગ્યો. તેમજ યાનિકા પર હુમલો કર્યો હતો. જેના કારણે યાનિકાના આખા શરીર પર ઈજા થઈ હતી. ત્યારથી, યાનિકાને બરાબર સાંભળી શકાતી નથી અને તેને દિલ્હીની કૈલાશ હોસ્પિટલમાં દાખલ કરવામાં આવી છે.

જણાવી દઈએ કે વિવેક બિન્દ્રા વિરુદ્ધ 14 ડિસેમ્બર 2023ના રોજ કેસ નોંધવામાં આવ્યો હતો. પરંતુ આ વાત ત્યારે સામે આવી જ્યારે વિવેક બિન્દ્રા અને સંદીપ મહેશ્વરી વચ્ચેનો વિવાદ ચર્ચામાં આવ્યો. બંને વચ્ચેનો વિવાદ સોશિયલ મીડિયા હેડલાઇન્સમાં આવ્યો હતો. પોલીસે વિવેક બિન્દ્રા વિરુદ્ધ આઈપીસીની કલમ 323, 504, 427 અને 325 સહિત વિવિધ કલમો હેઠળ કેસ નોંધ્યો છે. હાલ પોલીસ આ મામલે તપાસ કરી રહી છે.

સંદીપ મહેશ્વરી અને વિવેક બિન્દ્રા વચ્ચે વિવાદનું કારણ શું છે?

જણાવી દઈએ કે મોટિવેશનલ સ્પીકર સંદીપ મહેશ્વરી અને વિવેક બિન્દ્રા વચ્ચે વિવાદ ત્યારે શરૂ થયો જ્યારે મહેશ્વરીએ પોતાની ચેનલ પર બિગ સ્કેમ એક્સપોઝ નામનો વીડિયો શેર કર્યો. આ વીડિયોમાં બે સ્ટુડન્ટ્સે દાવો કર્યો છે કે તેમણે એક મોટા યુટ્યુબર પાસેથી કોર્સ ખરીદ્યો હતો પરંતુ તેમને તેનો કોઈ ફાયદો મળ્યો નથી. અધિકારીઓએ તેના પર છેતરપિંડીનો આરોપ પણ લગાવ્યો હતો. આ વીડિયો સામે આવ્યા બાદ વિવેક બિન્દ્રાએ સંદીપ મહેશ્વરીના આરોપોનો જવાબ આપ્યો અને કહ્યું કે તેને અન્ય પક્ષ વિશે જાણ હોવી જોઈએ.

વિવેક બિન્દ્રા આ પહેલા પણ વિવાદોમાં આવી ચુક્યા છે

જણાવી દઈએ કે વિવેક બિન્દ્રા આ પહેલા પણ ઘણી વખત વિવાદોમાં ફસાયા છે. આ પહેલા તેણે પશ્ચિમ બંગાળ અને પંજાબના અકાલ તખ્ત પર પણ ટિપ્પણી કરી હતી. જે બાદ તેણે માફી માંગવી પડી હતી. આ ઉપરાંત તે ગુજરાતના મોરબી સાથે જોડાયેલા કેસમાં પણ ચર્ચામાં આવ્યો છે. ત્યારે વિવેક બિન્દ્રાએ તેના એક વીડિયોમાં ગુજરાતના મોરબી વિશે અપમાનજનક ટિપ્પણી કરી હતી. તેમણે મોરબીની ટાઈલ્સ સબસ્ટાન્ડર્ડ ગણાવી હતી. આ પછી મોરબીના વેપારીઓએ તેનો વિરોધ કર્યો હતો.

બિન્દ્રાએ કહ્યું હતું કે ‘પહેલા બિલ્ડર તમને ઈટાલિયન ટાઈલ્સ બતાવશે અને પછી હલકી કક્ષાની મોરબીની ટાઈલ્સ લગાવશે.’ બિન્દ્રાના આ વીડિયોની આકરી પ્રતિક્રિયા આવી હતી. જે બાદ લામોરબીના ટાઈલ્સ ઉદ્યોગકારોના સંગઠને કાયદાકીય કાર્યવાહીની ધમકી આપતાં વિવેક બિન્દ્રાએ પોતાની ભૂલ સ્વીકારી માફી માંગવી પડી હતી.