ભારતીય જનતા પાર્ટી (BJP)ના સાંસદ હેમા માલિનીએ રવિવારે આશા વ્યક્ત કરી કે અયોધ્યા અને કાશી બાદ તેમના મતવિસ્તાર મથુરામાં પણ ભવ્ય મંદિર બનશે. આ માટે તેમણે કાશી વિશ્વનાથ કોરિડોરનો ઉલ્લેખ કર્યો હતો. હેમા માલિનીએ રવિવારે ઈન્દોરમાં મીડિયા સાથે વાત કરતા કહ્યું કે, રામજન્મભૂમિ અને કાશીના કાયાકલ્પ બાદ સ્વાભાવિક રીતે મથુરા પણ ખૂબ જ મહત્વપૂર્ણ છે.
એક કાર્યક્રમમાં હાજરી આપવા માટે ઈન્દોર આવેલા ભાજપ સાંસદે કહ્યું કે તે આમંત્રણ પર સોમવારે કાશી જઈ રહી છે. માલિનીએ કહ્યું, ‘પ્રેમ અને લાગણીના પ્રતિક એવા ભગવાન કૃષ્ણના જન્મસ્થળ મથુરાના સાંસદ તરીકે હું કહીશ કે ત્યાં એક ભવ્ય મંદિર હોવું જોઈએ. ત્યાં એક મંદિર પહેલેથી જ છે અને તેને મોદીજી (વડાપ્રધાન નરેન્દ્ર મોદી) દ્વારા વિકસિત કાશી-વિશ્વનાથ કોરિડોર જેવો નવો આકાર આપી શકીયા.
#WATCH | Being the MP of Mathura, which is the birthplace of Lord Krishna, I will say that there should be a grand temple. A temple is already there and can be beautified like Modi Ji developed Kashi Vishwanath corridor: BJP MP Hema Malini in Indore (19.12.2021) pic.twitter.com/91N7jeiw8d
— ANI (@ANI) December 20, 2021
એક પ્રશ્નના જવાબમાં હેમા માલિનીએ કહ્યું, ‘અયોધ્યા અને કાશી પછી મથુરા પણ જરૂરી છે. મથુરાના સાંસદ હોવાના નાતે હું કહેવા માંગુ છું કે અહીં પણ કૃષ્ણનું ભવ્ય મંદિર હોવું જોઈએ.“આ પરિવર્તન (કાશી-વિશ્વનાથનું કાયાકલ્પ અને પુનઃવિકાસ) ખૂબ મુશ્કેલ હતું. તે તેમની (મોદીની) દ્રષ્ટિ દર્શાવે છે. મથુરામાં પણ આવું જ થશે.
