સૌથી ધનિક એવા મુકેશ અંબાણીના મુંબઈના ઘર એન્ટિલિયા બહાર ગઈકાલે એક સ્કોર્પિઓ કાર મળી આવી હતી. જેમાંથી જીલેટીન સ્ટિક મળી આવી હતી. ત્યારબાદ અહીં તપાસ કરવામાં આવી હતી અને સુરક્ષા વ્યવસ્થા વધારી દેવામાં આવી હતી. ગઈકાલે મળી આવેલ કારને લઈને તપાસ કરવામાં આવી રહી છે. ક્રાઇમ બ્રાન્ચ અને એટીએસ આ મામલે ખુબ જ તપાસ કરી રહી છે અને આસપાસના દરેક સીસીટીવી કેમેરા પણ ખુબ જ જીણવટ પૂર્વક તપાસી રહી છે. આ દરમ્યાન ગાડી માંથી એક ચોકાવનારી ચિઠ્ઠી મળી આવી છે તેમાં થયેલા મોટો ખુલાસાથી દરેક લોકો ખળભળાટ મચી ગયો છે.
શંકાસ્પદ સ્કોર્પિઓ કારમાંથી મળી આવેલ ચિટ્ઠીમાં ધમકીભરી વાત કરવામાં આવી છે કે” આ તો માત્ર ટ્રેલર હતું નીતા ભાભી મુકેશભાઈ, નેક્સ્ટ ટાઈમ સામાન સાથે તમારી પાસે આવશે અને તૈયારીઓ પણ કરી દીધી છે”.
મુંબઇ પોલીસએ જણાવ્યું હતું કે ગામદેવી પોલીસ સ્ટેશનમાં અજાણ્યા લોકો સામે એફઆઈઆર નોંધાઈ છે. વધુમાં જણાવ્યું હતું કે પોલીસે ભારતીય દંડ સંહિતાની વિવિધ કલમો હેઠળ ગુનો નોંધ્યો છે. પોલીસે જણાવ્યું હતું કે વાહનની નંબર પ્લેટ પર નોંધણી નંબર અંબાણીની સુરક્ષામાં લાગેલી એક એસયુવી જેવો જ છે.
સૂત્રોનું માનીએ તો આ કામ માટે પ્રિપ્લાનીંગ કરવામાં અઆવ્યું છે. આરોપી ગાડીને ઘરની વધુ નજીક ઉભી કરવા માંગતો હતો. પરંતુ વધુ સુરક્ષાને કારણે તે શક્ય બન્યું નહિ. આરોપી દ્વારા પહેલાથી જ અંબાણીના ઘર પર નજર રાખવામાં આવી રહી હતી અને અંબાણીના કાફલા પર પણ નજર રાખવામાં આવી રહી હતી.
મળતી માહિતી મુજબ, જે સ્કોર્પિઓ કાર મળી છે તેની સીટ પર મુંબઈ ઇન્ડિયન્સનું બેગ મુકવામાં આવ્યું હતું. મુંબઈ ઇન્ડિયન્સ આઈપીએલની ક્રિકેટ ટિમ છે. જેના માલિક મુકેશ અંબાણી છે, આ બેગમાં ધમકી ભરેલી ચિઠ્ઠી પણ મુકવામાં આવી હતી. જે વ્યક્તિએ સ્કોર્પિઓ કાર અહીં પાર્ક કરી તે ગાડી અહીં મૂકીને ઇનોવા કારમાં ગુમ થયો હતો.
