NEET Exam NTA Negligence: દેશમાં ફરીથી યોજાનારી NEET (Re-નીટ) પરીક્ષાને હવે ગણતરીના કલાકો જ બાકી છે, તેવા સમયે નેશનલ ટેસ્ટિંગ એજન્સી (NTA) ની એક અત્યંત ચોંકાવનારી અને મોટી બેદરકારી સામે આવી છે. નાગપુરના એક ગરીબ વિદ્યાર્થીના એડમિટ કાર્ડમાં પરીક્ષા કેન્દ્ર (Exam Center) તરીકે સીધું વિદેશનું ‘અબુ ધાબી’ શહેર દર્શાવવામાં આવ્યું છે! આ વિદ્યાર્થી પાસે ન તો પાસપોર્ટ છે, ન તેના પરિવાર પાસે તેને વિદેશ મોકલવાના પૈસા છે. આ ઘટના બહાર આવતા જ વિપક્ષે સોશિયલ મીડિયા પર સરકાર અને NTA ને ઘેરવાનું શરૂ કર્યું છે.
नागपुर का एक बच्चा एक महीने से NEET re-exam की तैयारी कर रहा था।
कल परीक्षा से ठीक एक दिन पहले उसने admit card डाउनलोड किया। उसका सेंटर निकला – अबू धाबी।
न पासपोर्ट, न परिवार के पास विदेश भेजने के पैसे, न अब कोई वक़्त बचा है। वो रातभर रोता रहा, और परीक्षा देने से ही मना कर रहा… https://t.co/TJOHUBnFDB
— Rahul Gandhi (@RahulGandhi) June 20, 2026
બાળકોના ભવિષ્ય સાથે જુગાર રમવાનું બંધ કરો: રાહુલ ગાંધી(NEET)
લોકસભામાં વિપક્ષના નેતા રાહુલ ગાંધીએ (Rahul Gandhi) આ મામલે સખત નારાજગી વ્યક્ત કરતા NTA ને સવાલ કર્યો છે કે, “આખરે આવું થઈ પણ કેવી રીતે શકે? જે સિસ્ટમ એક બાળકને તેના જ શહેરમાં સેન્ટર આપી શકતી નથી, પરંતુ સીધું વિદેશ મોકલી દે છે, તેને પરીક્ષા યોજવાનો કોઈ હક નથી. NTA દેશના બાળકો અને વાલીઓની ધીરજની કસોટી કરી રહી છે.” તેમણે વધુમાં ઉમેર્યું કે, આ હવે શિક્ષણ વ્યવસ્થા નથી રહી, પરંતુ આખી પેઢીના પૈસા, સમય અને માનસિક શાંતિની વસૂલાત છે. અમારા બાળકોના ભવિષ્ય સાથે જુગાર રમવાનું બંધ કરો.
If reexamination stress was not enough, we have a case of a Nagpur student being allotted an exam centre in Abu Dhabi 🫣 pic.twitter.com/JP7Aqaz0ll
— Priyanka Chaturvedi🇮🇳 (@priyankac19) June 20, 2026
બીજી તરફ, શિવસેના (UBT) ના નેતા પ્રિયંકા ચતુર્વેદીએ પણ આને વિદ્યાર્થી માટે મોટો માનસિક તણાવ ગણાવ્યો છે અને NTA ની કાર્યપ્રણાલી પર આકરા પ્રહારો કર્યા છે. આ ગંભીર છબરડાને કારણે વિદ્યાર્થીનું ભવિષ્ય હવે અધ્ધરતાલ થઈ ગયું છે.
આ પણ વાંચો: તમે કંઈ શીખ્યા જ નથી”, નીટ પેપર લીક મુદ્દે સુપ્રીમ કોર્ટનો NTA પર આક્રોશ
આ પણ વાંચો: Telegram પર ‘Re-NEET 2026’ પેપર લીકના નામે મહાકૌભાંડ
આ પણ વાંચો: NEET પરીક્ષાના પેપરો વિમાનો દ્વારા મોકલાશે, સુરક્ષા વ્યવસ્થા પર PM Modi ની સીધી નજર
