Sisodia in liquor Scam: દિલ્હીના પૂર્વ નાયબ મુખ્યમંત્રી મનીષ સિસોદિયા પોતાની જામીન અરજી પર સુનાવણી માટે CBI કોર્ટ પહોંચ્યા હતા. CBIએ મનીષ સિસોદિયાને કોર્ટમાં રજૂ કર્યા હતા. રાઉઝ એવન્યુ કોર્ટે મનીષ સિસોદિયાને બે દિવસના CBI રિમાન્ડ પર મોકલી દીધા છે. CBIએ કોર્ટને મનીષ સિસોદિયાના વધુ ત્રણ દિવસના રિમાન્ડની માંગણી કરી હતી.
જણાવી દઈએ કે કોર્ટમાં CBIએ મનીષ સિસોદિયાના રિમાન્ડની અવધિ ત્રણ દિવસ વધારવાની માંગ કરી હતી. CBIએ કહ્યું કે હવે રદ કરાયેલી એક્સાઈઝ પોલિસી સંબંધિત કેટલીક ફાઈલો અને દસ્તાવેજો ગુમ છે. તેમને પુનઃપ્રાપ્ત કરવા માટે ભૂતપૂર્વ નાયબ મુખ્ય પ્રધાનની પૂછપરછ કરવી પડશે અને અન્ય આરોપીઓનો સામનો કરવો પડશે. તેથી તેના રિમાન્ડની મુદત વધારવામાં આવે. કોર્ટે એક્સાઇઝ પોલિસી કેસમાં આરોપી દિલ્હીના પૂર્વ નાયબ મુખ્યમંત્રી મનીષ સિસોદિયાની જામીન અરજી પર સુનાવણી 10 માર્ચ સુધી મુલતવી રાખી છે. આ દરમિયાન CBIને નોટિસ જારી કરીને જવાબ આપવા માટે કહેવામાં આવ્યું છે. નોંધપાત્ર રીતે, ધરપકડના એક દિવસ પછી સિસોદિયાએ તેમના પદ પરથી રાજીનામું આપી દીધું હતું. આ સિવાય જેલમાં રહેલા સ્વાસ્થ્ય મંત્રી સત્યેન્દ્ર જૈને પણ તેમની સાથે રાજીનામું આપ્યું હતું. CBIએ રિમાન્ડ પેપરમાં આરોપ લગાવ્યો છે કે સિસોદિયાએ દિલ્હી એક્સાઈઝ પોલિસી કૌભાંડમાં મુખ્ય ભૂમિકા ભજવી હતી. CBI આ કેસમાં સાત લોકો સામે ચાર્જશીટ દાખલ કરી ચૂકી છે. હવે તપાસ એજન્સી આ કેસમાં પૂરક ચાર્જશીટ દાખલ કરવાની પણ તૈયારી કરી રહી છે.
જણાવી દઈએ કે સુનાવણી દરમિયાન કોર્ટે CBIને પૂછ્યું કે આ રિમાન્ડ દરમિયાન મનીષ સિસોદિયાની કેટલા સમય સુધી પૂછપરછ કરવામાં આવી? આના પર CBIએ કોર્ટને કહ્યું કે તે હજુ પણ સહકાર આપી રહ્યો નથી. મનીષ સિસોદિયા તરફથી હાજર થયેલા વરિષ્ઠ વકીલ દયાન ક્રિશ્નને રિમાન્ડ વધારવાની CBIની અરજીનો વિરોધ કર્યો હતો. સિસોદિયાના વકીલ કૃષ્ણને દલીલ કરી હતી કે CBI જે રિમાન્ડ વધારવાની માંગ કરી રહી છે તે યોગ્ય નથી. આ પહેલા દિલ્હીની રાઉઝ એવન્યુ કોર્ટે ધરપકડ કરાયેલા દિલ્હીના પૂર્વ ડેપ્યુટી CM મનીષ સિસોદિયાની જામીન અરજી પર સુનાવણી માટે 10 માર્ચની તારીખ નક્કી કરી છે. સિસોદિયાની જામીન અરજી પર કોર્ટે CBIને નોટિસ પણ જારી કરી છે. તે સ્પષ્ટ છે કે મનીષ સિસોદિયાને હોળી પહેલા જામીન મળી શકે તેમ નથી અને તેઓ અત્યારે CBIની કસ્ટડીમાં રહેશે.
આ પણ વાંચો: Drug Peddler/ જમ્મુ-કાશ્મીરમાં 35 કરોડનું હેરોઇન પકડાયુ, કુખ્યાત ડ્રગ પેડલર ઝડપાયો
આ પણ વાંચો: Mamata Banerjee/ CM મમતા વિરુદ્ધ વાંધાજનક ટિપ્પણી કર્યા બાદ કોંગ્રેસ નેતા કૌસ્તવ બાગચી ફસાયા
આ પણ વાંચો: Viral Video/ આને કહેવાય આબાદ બચાવ, સ્કૂટી સવાર મહિલા માંડ-માંડ બચી, વાઇરલ Video
