મુંબઈ પોલીસ અને રાજ્ય સરકાર બોલિવૂડના તમામ મોટા સ્ટાર્સની સુરક્ષા વધારી રહી છે ગત દિવસે સલમાન ખાનને Y+ શ્રેણીની સુરક્ષા આપવામાં આવી હતી. તે જ સમયે, બોલીવુડના મહાનાયક અમિતાભ બચ્ચનની સુરક્ષા વધારી દેવામાં આવી છે. એક રિપોર્ટ અનુસાર, બિગ બીની સુરક્ષા Y કેટેગરીથી વધારીને X કેટેગરીમાં કરવામાં આવી છે.
સૂત્રના જણાવ્યા અનુસાર, મોટા કલાકારોને કોઈને કોઈ પ્રકારનો ખતરો છે, તેથી જ તેમની સુરક્ષા વધારી દેવામાં આવી છે. અગાઉ બચ્ચનને મુંબઈ પોલીસની સામાન્ય સુરક્ષા આપવામાં આવી હતી.
અમિતાભ સિવાય મહારાષ્ટ્ર સરકારે બોલિવૂડ એક્ટર અક્ષય કુમારને પણ એક્સ કેટેગરીની સુરક્ષા આપી છે. જે મુજબ અક્ષય કુમારને ત્રણ અલગ-અલગ શિફ્ટમાં 3 પોલીસકર્મીઓ દ્વારા સુરક્ષા કવચ આપવામાં આવે છે.
આગલા દિવસે સલમાન ખાનની સુરક્ષા વધારી દેવામાં આવી હતી. વાસ્તવમાં, દિલ્હી પોલીસ તરફથી સલમાન ખાનની ધમકી સંબંધિત ઘણી માહિતી સતત મળી રહી હતી. પંજાબી સિંગર સિદ્ધુ મૂસેવાલા મર્ડર કેસમાં ધરપકડ કરાયેલા ઘણા આરોપીઓએ પણ સલમાન ખાન વિશે ઘણા ખુલાસા કર્યા હતા.તેને જોતા રાજ્ય સરકારે સલમાન ખાનની સુરક્ષા વધારીને Y+ શ્રેણી કરી છે.
આ પણ વાંચો: મહિલાઓના ‘વર્ક ફ્રોમ હોમ’ કન્સેપ્ટને સન્માન અપાવતા ઇલાબેન ભટ્ટ
આ પણ વાંચો:ભગવાનની ઈચ્છાથી મોરબી અકસ્માત થયો… CJM કોર્ટમાં ઓરેવા કંપનીના મેનેજર દીપક પારેખનું નિવેદન
આ પણ વાંચો:મોરબીની ઘટના પર ED અને CBI કેમ પગલાં નથી લઈ રહી? મમતાનો મોદી સરકાર પર નિશાન
