કેન્દ્ર સરકારના પુડુચેરીમાં પણ સમગ્ર લોકડાઉનની જાહેરાત કરવામાં આવી છે. રાજ્યમાં કોરોનાના વધતા જતા કેસને ધ્યાનમાં રાખીને આ નિર્ણય લેવામાં આવ્યો છે. લોકડાઉન 10 મેથી એટલે કે મધ્યરાત્રિથી 24 મે સુધી લાગુ કરવામાં આવ્યું છે. રાજ્યમાં 14 દિવસનું સંપૂર્ણ લોકડાઉન રહેશે પુડુચેરીમાં અગાઉ લોકડાઉન 27 એપ્રિલથી 3 મે દરમિયાન લાગુ કરવામાં આવ્યું હતું. પરંતુ સંક્રમણના કેસમાં કોઈ ઘટાડો ન થવાને કારણે લોકડાઉનમાં વધારો કરવામાં આવ્યું છે.
એવું કહેવામાં આવી રહ્યું છે કે, બધા વચ્ચે, ઉદ્યાનો જાહેર જનતા માટે બંધ કરવામાં આવશે અને કોઈપણ જગ્યાએ ભેગા થવા અને ઉભા રહેવા પર કડક પ્રતિબંધ રહેશે. તેમ છતાં, નિયમો અને શરતો સાથે આવશ્યક સેવાઓની મંજૂરી આપવામાં આવશે. શાકભાજીની માર્કેટ, ખોરાક, કરિયાણા, અને માંસ, માછલીની દુકાનોને બપોરે 12 વાગ્યા સુધી એર કન્ડીશનીંગ સુવિધા વિના મંજૂરી આપવામાં આવશે.
આ પણ વાંચો :ફરીથી સોશિયલ મીડિયામાં બોલ્યા ગેહલોત, લોકડાઉનની હવે સાચી જરૂર જેનો નિર્ણય કેન્દ્રસ્તરે લેવાવો જોઈએ
મુસાફરોને ફક્ત 50% સીટવાળી બસમાં મુસાફરી કરવાની મંજૂરી આપવામાં આવશે. ટેક્સી ડ્રાઈવર સિવાય ફક્ત ત્રણ મુસાફરોને જ ટેક્સીમાં મુસાફરી કરવાની છૂટ રહેશે. આ જ નિયમ ઓટોરિક્ષામાં પણ લાગુ થશે. લગ્નના કાર્યો માટે, ફક્ત 25 લોકોને જ મંજૂરી આપવામાં આવશે.
આ પણ વાંચો : મથુરાના અનાથાશ્રમમાં કોરોના બ્લાસ્ટ, 22 બાળકો કોરોના સંક્રમિત
આદેશમાં કહેવામાં આવ્યું છે કે જે કોઈપણ લોકડાઉનના નિયમોનું ઉલ્લંઘન કરે છે તેની સામે કડક કાર્યવાહી કરવામાં આવશે.પુડુચેરીમાં ગઈકાલ સુધી કોરોનાના 1,703 નવા કેસ નોંધાયા હતા, 19 મૃત્યુ નોંધાયા હતા. જે બાદ ત્યાં કુલ કેસનો આંકડો 70,076 પર પહોંચી ગયો. તે જ સમયે, કુલ મૃત્યુઆંક 939 છે. આરોગ્ય મંત્રાલયે આ મામલે માહિતી આપી હતી.
આ પણ વાંચો : તેલંગાણા સરકાર ડ્રોનથી વેક્સિન ડિલીવરી કરશે
